1 Pyer 2:22 - Labib An Kreol Seselwa

²² Kris pa'n zanmen fer okenn pese, e zanmen okenn mansonz in sorti dan son labous.

1 Pyer 2:22 ပူးပေါင်းရင်းမြစ်များ

Psonm 34:13

Alor gard ou lalang kont lemal e vey ou labous kont mansonz.

Ezai 53:9

Zot ti fer son latonm parmi bann malfeter. Son tonbo ti parmi bann dimoun ris. Pourtan, i pa ti'n komet okenn vyolans; okenn mansonz pa'n sorti dan son labous.

Matye 27:19

Pandan ki Pilat ti ankour, son fanm ti anvoy li sa mesaz, “Pa mel ou dan zafer sa zonm zis. Akoz li, mon'n soufer bokou dan en rev sa lannwit.”

Matye 27:4

I ti dir zot, “Mon'n fer pese, akoz mon'n livre disan en inosan!” Zot ti dir li, “Sa pa konsern nou. Sa i ou zafer!”

Levanzil dapre Lik 23:41

Nou, nou merit nou kondannasyon; nou pe pey pour sa ki nou'n fer. Me sa zonm pa'n fer nanryen mal.”

Levanzil dapre Lik 23:47

En zofisye Romen ki ti war tou sa ki ti'n arive, ti loue Bondye. I ti dir, “Sa zonm ti vreman en zonm zis!”

Levanzil dapre Zan 1:47

Kan Zezi ti war Natanael pe vin kot li, i ti dir, “La en vre Izraelit ki fran.”

Levanzil dapre Zan 8:46

Lekel parmi zot ki kapab prouve ki mon'n fer pese? Si alor mon pe dir laverite, akoz zot pa krwar mwan?

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

1 Zan 2:1

Mon bann pti zanfan! Mon pe ekri zot sa, pour ki zot pa komet okenn pese. Me si i annan parmi zot ki komet pese, nou annan en avoka kot Bondye. Sa i Zezi-Kri, ki nou Lazistis.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.

Revelasyon 14:5

Dan zot labous pa'n sorti okenn mansonz; zot san okenn defo.