1 Pyer 2:2 - Labib An Kreol Seselwa

² Parey bann zanfan nouvo ne, kontan dile pir Parol Bondye. Konmsa zot ava grandi e ganny sove.

1 Pyer 2:2 ပူးပေါင်းရင်းမြစ်များ

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Oze 14:7

Zot pou vin reste ankor anba mon lonbraz; zot ava fer dible repouse; zot pou fleri parey en pye rezen e donn Liban en loder diven.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 18:3

I ti dir, “Mon dir zot, sa i laverite: Si zot pa sanze e vin parey bann zanfan, zot pa pou zanmen antre dan Rwayonm lesyel.

Matye 19:14

Alor, Zezi ti dir, “Les bann zanfan vin kot mwan; pa bezwen anpes zot, akoz Rwayonm lesyel i pour bann ki parey zot.”

Mark 10:15

Mon dir zot, sa i laverite: Sa enn ki pa resevwar Rwayonm Bondye parey en zanfan, i pa pou zanmen antre dan Rwayonm.”

Levanzil dapre Lik 18:17

Mon dir zot, sa i laverite: Sa enn ki pa akey Rwayonm Bondye parey en zanfan, pa pou zanmen antre.”

Romen 6:4

Alor, par nou batenm, nou'n ganny antere avek li dan son lanmor, pour ki, parey Kris in resisite par mazeste pwisan son Papa, nou osi, nou ava ganny en nouvo lavi.

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

Efezyen 2:21

Zezi-Kri li menm ki tenir ansanm sa batiman antye e permet li grandi pour form en tanp sen, konsakre pour Senyer.

Efezyen 4:15

O kontrer, kan nou dir laverite avek lanmour, nou ava grandi dan tou fason ver Kris, nou sef.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!