1 Pyer 2:17 - Labib An Kreol Seselwa

¹⁷ Annan respe pour tou dimoun. Kontan zot bann frer dan lafwa. Ador Bondye e annan respe pour lerwa.

1 Pyer 2:17 ပူးပေါင်းရင်းမြစ်များ

Zenez 20:11

Abrahanm ti dir, “Mon ti krwar ki ti napa personn ki annan respe pour Bondye isi e ki zot ti pou touy mwan akoz mon fanm.

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

Zenez 42:18

Trwazyenm zour, Zozef ti dir zot, “La sa ki fodre zot fer pour zot reste vivan. Mon annan respe pour Bondye:

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Egzod 20:12

Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Proverb 23:17

Pa zalou bann peser dan ou leker; me touzour annan respe anver SENYER,

Proverb 24:21

Mon garson! Annan respe pour SENYER ek lerwa; pa frekant sa enn ki oule sanz tou.

Eklezyas 8:2

Mon dir: Obei bann lord lerwa, akoz serman ki ou'n fer devan Bondye.

Levitik 19:32

Ou ava lev debout devan en dimoun aze e respekte en vyeyar; ou ava annan respe pour ou Bondye. Mwan menm SENYER.

Zakari 11:14

Apre sa, pou kas relasyon lafanmir ant Zida ek Izrael, mon ti kas mon dezyenm baton: Linite.

Matye 22:21

Zot ti reponn, “Sezar.” Zezi ti dir zot, “Alor, rann Sezar sa ki pour Sezar e rann Bondye sa ki pour Bondye.”

Levanzil dapre Zan 13:35

Si zot kontan kanmarad, dimoun ava war ki zot mon bann disip.”

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Romen 13:7

Rann tou dimoun sa ki zot merite: Ki swa taks, ki swa taks lo reveni; ki swa respe, ki swa loner, anver sa enn ki fodre.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Efezyen 5:21

Par respe ki zot annan pour Kris, obei kanmarad.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

1 Timote 6:1

Tou bann lesklav, zot devre annan respe pour zot met. Konmsa, personn pa ava ensilte non Bondye ek nou lansennyman.

Ebre 13:1

Kontinyen kontan kanmarad koman bann frer ek ser.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Pyer 2:13

Akoz Senyer, obei tou lotorite imen: Lerwa an tan ki souvren;

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

1 Samyel 15:30

Alor Sail ti dir, “Mon'n pese, me fer mwan loner devan bann ansyen mon pep e devan Izrael, retourn avek mwan pour e mon ava prostern devan SENYER ou Bondye.”