1 Pyer 2:12 - Labib An Kreol Seselwa

¹² Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 2:12 ပူးပေါင်းရင်းမြစ်များ

Psonm 37:14

Bann malfeter i tir zot lepe; zot prepar zot dart pour touy sa enn ki pov e ki malere, pour touy sa enn ki mars lo bon semen.

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Danyel 6:4

Alor, sa bann sef ek bann gouverner ti rod fason pour akiz Danyel lo size zafer leta. Me, zot pa ti trouv nanryen kont li pour kapab akiz li, ni neglizans, ni okenn fot; i ti en zonm konfyans, san defo.

Matye 10:25

En disip i devre kontant pour vin parey son met, e en serviter parey son bourzwa. Si zot in apel Belzebil, sa enn ki sef lafanmir, a pli fort rezon, lezot manm son fanmir ava ganny ensilte.

Matye 5:11

Zot byennere, kan zot ganny ensilte, persekite akoz mwan; kan dimoun i koz dimal kont zot, akoz mwan!

Matye 5:16

Konmsa ki zot lalimyer i devre klere devan tou dimoun, pour ki zot war byen zot bann bon aksyon e loue zot Papa ki dan lesyel.

Matye 9:8

Kan lafoul ti war sa, zot ti ranpli avek lafreyer e zot ti loue Bondye ki'n donn zonm en tel lotorite.

Levanzil dapre Lik 1:68

Mon rann glwar mon Senyer, Bondye pep Izrael, akoz in vin vizit e delivre son pep.

Levanzil dapre Lik 19:44

Zot pou kraz ou ek tou ou bann zanfan. Pa en sel ou bann ros pou reste an plas, akoz ou pa ti rekonnet letan Bondye ti vini, pour li sekour ou.”

Levanzil dapre Lik 6:22

Zot byennere, kan dimoun i ay zot, e malparl zot; kan zot ganny rezete, ensilte e dimoun i dir dimal lo zot akoz Fis-de-Lonm!

Levanzil dapre Zan 13:31

Apre ki Zida ti'n ale, Zezi ti dir, “Aprezan, Fis-de-Lonm i ganny glorifye, e mazeste Bondye in ganny revele dan li.

Akt de Zapot 15:14

Simon in rakont nou koman Bondye, depi o konmansman, in swazir parmi bann nasyon, en pep pour son non.

Akt de Zapot 24:13

Sa bann dimoun napa laprev pour okenn lakizasyon ki zot in fer kont mwan.

Akt de Zapot 25:7

Kan Pol ti'n arive, bann Zwif ki ti'n sorti Zerizalenm ti antour li, e zot ti konmans fer bann lakizasyon grav kont li. Me zot pa ti kapab prouve.

Akt de Zapot 28:22

Me nou ti anvi konn ou lopinyon, akoz partou, bokou dimoun pe koz kont sa group ki ou ladan.”

Romen 12:17

Pa rann personn mal pour mal. Me fer tou sa ki posib pour fer sa ki byen devan tou dimoun.

Romen 13:13

Annou konport nou avek dinyite parey dimoun ki pe viv an plen zour. Annou prezerv nou kont bann move fason viv tel ki: Fer parti bwar, dezord ek vis, dispit ek zalouzi.

Romen 14:18

Sa enn ki servi Kris dan sa fason, i fer plezir Bondye, e dimoun i kontan li.

Romen 15:9

Konmsa menm ki bann non-Zwif, zot osi, zot in kapab rann glwar Bondye pour son labonte, parey Lekritir i deklare: Pour sa rezon, mon pou loue ou parmi bann nasyon. Mon pou sant an loner ou non.

1 Korentyen 14:25

Son bann panse sekre pou ganny devwale. Alor i ava tonm ater e ador Bondye, e i ava proklanmen ki Bondye i vreman parmi zot.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 13:7

Nou priy Bondye pour ki zot pa fer nanryen mal. I pa nou lentansyon pour montre nou sikse, me nou oule war zot pratik sa ki byen, menm si i sanble ki nou pa'n reisi.

2 Korentyen 8:21

Nou oule fer keksoz ki byen, pa zis devan Senyer, me osi devan tou dimoun.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

Efezyen 4:22

Zot devre alor debaras zot avek zot vye natir, ki ti zot fason viv otrefwa, ki ti anmenn larin par son bann dezir tronper.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Filipyen 4:8

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.

1 Tesalonisyen 4:12

Konmsa, bann ki pa krwayan ava annan respe pour zot, e zot pa ava bezwen depann lo personn.

1 Timote 2:2

Pour bann lerwa ek tou dimoun ki okip en plas enportan, pour ki nou kapab viv en lavi trankil, anpe, atase avek Bondye e viv en lavi respektab avek dinyite.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Timote 5:10

Fodre ki i ganny rekonnet pour son travay byenfezans. Fodre ki i'n byen elve son bann zanfan, pratik lospitalite, montre limilite an lavan lipye bann krwayan, port sekour bann malere e pratik bann bonn aksyon.

Ebre 13:18

Priy pour nou. Nou sir ki nou annan en konsyans kler, akoz nou oule touzour donn legzanp.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Let Zak 3:13

Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.

1 Pyer 2:15

Annefe, sa ki Bondye i oule, se ki par zot bann bon aksyon, zot ferm labous bann ki stipid ek bann ki bet.

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.

1 Pyer 4:11

Sa enn ki prese, i devre transmet Parol Bondye. Sa enn ki rann servis, i devre fer li avek lafors ki Bondye in donn li: Fodre ki dan tou, Bondye i ganny glorifye par Zezi-Kri, ki posed laglwar, lapwisans pour touzour! Amenn.

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.

Rit 3:14

Alor, Rit ti dormi kot lipye Boaz ziska bomaten, me i ti leve avan ki personn i kapab rekonnet li. Boaz ti dir dan li menm: Fodre pa ki dimoun i konnen ki sa fanm in vin la.