1 Pyer 2:1 - Labib An Kreol Seselwa

¹ Alor, rezet, tou kalite mesanste, frod, lipokrizi, zalouzi ek medizans.

1 Pyer 2:1 ပူးပေါင်းရင်းမြစ်များ

Liv Zob 36:13

Bann malfeter i touzour ankoler. Ler zot ganny ansennen, zot pa demann Bondye son led.

Psonm 32:2

Zot byennere bann ki SENYER i konsider inosan e ki napa okenn lespri tronper!

Psonm 34:13

Alor gard ou lalang kont lemal e vey ou labous kont mansonz.

Psonm 37:1

Pa bezwen pran lakoler kont bann malfeter; pa bezwen zalou bann kriminel.

Psonm 73:3

Ler mon ti war koman bann malfeter pe prospere, mon ti zalou sa bann arogan.

Proverb 14:30

En lespri trankil i favoriz lasante; me lapasyon i ronz lekor.

Proverb 24:1

Pa anvye bann malfeter, ni anvi frekant zot,

Proverb 24:19

Pa met ou ankoler kont bann malfeter; pa zalou sa enn ki fer sa ki mal,

Proverb 3:31

Pa anvye en dimoun vyolan, ni swiv okenn son bann mannyer fer,

Ezai 2:20

Sa zour, dimoun pou zet avek bann tang ek bann sovsouri, bann zidol annarzan e annor fer par zot menm pour adore.

Ezai 30:22

Alor, ou ava konsider koman enpir, larzan ki kouver ou bann stati; lor ki lo ou bann zidol an metal. Ou ava zet zot parey salte. Ou ava dir zot: Sorti la salte!

Matye 15:7

Bann ipokrit! Ezai ti annan rezon profetiz lo zot, kan i ti dir:

Matye 23:28

Zot osi, an deor, zot paret bon devan dimoun, me anndan, zot ranpli avek lipokrizi ek pese.

Matye 24:51

I pou pini sa serviter severman, e met li ansanm avek bann ipokrit, la kot zot pou plere e grens ledan.”

Matye 7:5

Ipokrit! Tir poto ki dan ou lizye avan. Apre, ou ava war ase kler pour tir lapay ki dan lizye ou frer.

Mark 12:15

Zezi ti'n war zot lipokrizi. I ti dir zot, “Akoz zot oule met mwan dan en pyez? Anmenn en pyes larzan isi, e les mwan gete.”

Levanzil dapre Lik 11:44

Maler lo zot ki parey bann latonm san mark: Dimoun i mars lo la san konnen.”

Levanzil dapre Lik 12:1

Pandan sa letan, plizyer milye dimoun ti'n rasanble e ti pe mars lo lipye kanmarad. Zezi ti dir dabor avek son bann disip, “Fer atansyon lelven bann Farizyen, savedir zot lipokrizi.

Levanzil dapre Lik 6:42

Koman ou kapab dir avek ou frer: Mon frer! Les mwan tir sa lapay ki dan ou lizye, kan ou menm, ou pa war sa poto ki dan ou prop lizye? Ipokrit! Tir sa poto dan ou lizye avan. Apre, ou ava war ki mannyer ou pou tir sa lapay dan lizye ou frer.”

Levanzil dapre Zan 1:47

Kan Zezi ti war Natanael pe vin kot li, i ti dir, “La en vre Izraelit ki fran.”

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

1 Korentyen 5:8

Alor, annou selebre nou lafet non pa avek sa vye lelven, sa lelven pese limoralite, me avek dipen san lelven, dipen lapirte ek laverite.

2 Korentyen 12:20

Mon per ki ler mon ariv kot zot, mon pa pou war zot parey mon ti ava kontan e ki zot osi, zot pa pou war mwan parey zot ti ava kontan. Mon per ki pou annan kerel, zalouzi, lannimozite, dispit, kalonmni, bavardaz, lorgey ek dezord.

Efezyen 4:31

Debaras zot avek tou move santiman, iritasyon e lakoler. Fer disparet tou kriye ek lensilt. Pa bezwen annan okenn santiman mesanste.

1 Tesalonisyen 2:3

Annefe, mesaz ki nou delivre pa baze ni lo lerer ni lo rezon imoral. E nou pa pe rod tronp personn.

1 Timote 3:11

Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

Let Pol pour bann Tit 2:3

Dir osi bann fanm aze, ki zot devre konport zot koman dimoun ki pe viv en lavi sen. Zot pa devre kolport zaksyon ki fer ditor, ni vin lesklav lalkol. Zot devre sirtou donn bann bon konsey.

Ebre 12:1

Nou osi, nou'n ganny antoure par en tel gran lafoul temwen. Annou debaras nou avek tou fardo ki ralanti nou lamars, partikilyerman avek tou pese ki anserkle nou si fasilman. Annou, avek determinasyon, fer sa lakours ki nou'n ganny propoze.

Let Zak 1:21

Alor, rezet tou bann salte dan zot lavi ek tou bann move mannyer viv. Aksepte avek douser parol ki Bondye in plant dan ou leker, akoz sa parol i annan pouvwar pou sov ou.

Let Zak 3:14

Me si zot leker i ranpli avek en zalouzi anmer ek en lespri rivalite, aret vant zot lekor koman bann saz; aret fer ditor laverite par zot mansonz.

Let Zak 4:11

Mon bann frer! Pa bezwen malparl kanmarad. Sa enn ki malparl son frer oubyen ziz son frer, i koz mal kont Lalwa, i pe ziz Lalwa. Si ou ziz Lalwa, ou nepli en pratikan Lalwa, me en ziz.

Let Zak 4:5

Zot krwar ki Lekritir i koz pour nanryen kan i deklare: Bondye i reklanm avek zalouzi, lespri ki i'n met dan nou.

Let Zak 5:9

Mon bann frer! Pa bezwen plenny kont kanmarad, pour zot pa ganny zize. Ziz i pros pou aparet; i devan laport.

1 Pyer 2:16

Konport zot koman bann vre zonm lib. Pa itiliz zot liberte koman en tapi pour kouver sa ki mal, me azir koman bann serviter Bondye.

1 Pyer 2:22

Kris pa'n zanmen fer okenn pese, e zanmen okenn mansonz in sorti dan son labous.

1 Pyer 3:10

Annefe, la sa ki Lekritir i deklare: Sa enn ki oule viv en lavi agreab e war bann zour ere, i devre prezerv son lalang kont lemal e son lalev i devre aret koz manti.

1 Pyer 4:2

pour li viv leres son lavi, non pa dapre son dezir imen, me dapre lavolonte Bondye.

1 Pyer 4:4

Aprezan, bann etranze i trouv sa drol, e kritik zot akoz zot nepli partisip dan sa bann move fason viv.

Revelasyon 14:5

Dan zot labous pa'n sorti okenn mansonz; zot san okenn defo.