1 Pyer 1:25 - Labib An Kreol Seselwa

²⁵ Me parol Senyer li, i reste pour touzour. Sanmenm sa parol Bonn Nouvel ki'n ganny anonse avek zot.

1 Pyer 1:25 ပူးပေါင်းရင်းမြစ်များ

Psonm 102:12

Me ou, SENYER! Ou lerwa pour touzour. Ou non pou dire atraver bann zenerasyon.

Psonm 102:26

Tousala pou disparet. Me ou, ou reste pour touzour; Tou pou ize parey en lenz. Ou sanz zot parey en lenz e zot pou disparet.

Psonm 119:89

Pour touzour, SENYER, ou parol in ganny fikse dan lesyel.

Ezai 40:6

En lavwa i dir: Kriye! Alor mon ti reponn: Ki mon pou kriye? Tou imen i parey zerb, zot fidelite pa dire parey bann fler dan laplenn.

Ezai 40:8

Zerb i vin sek, fler i fletri, me parol nou Bondye pou dire pour touzour.

Matye 5:18

Mon dir zot, sa i laverite: Osi lontan ki lesyel ek later i egziste, pa menm en pli pti let, ni en pli pti detay Lalwa pou ganny detri, ziska ki tou sa bann lansennyman i ganny akonpli.

Levanzil dapre Lik 16:17

I pli fasil pour lesyel ek later disparet, ki pour en sel pti pwen Lalwa ganny aboli.

Levanzil dapre Zan 1:1

O konmansman, Laparol ti egziste. Laparol ti avek Bondye e Laparol ti Bondye.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

1 Korentyen 2:2

Annefe, mon ti deside pour pa pres nanryen parmi zot eksepte Zezi-Kri, spesyalman Zezi-Kri krisifye.

Efezyen 2:17

Kris in alor vin anons Bonn Nouvel lape pour tou dimoun: Pour zot bann non-Zwif, ki ti lwen avek Bondye, e pour bann Zwif ki ti pre avek li.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Let Pol pour bann Tit 1:3

e kan letan ki ti'n fikse ti arive, i ti revel li par son parol dan son mesaz ki i'n konfye mwan e ki mon pe anonse dapre lord Bondye, nou Sover.

Ebre 6:5

Zot in dekouver ki mannyer Parol Bondye i bon e zot in fer leksperyans bann pwisans lemonn fitir.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

1 Pyer 2:2

Parey bann zanfan nouvo ne, kontan dile pir Parol Bondye. Konmsa zot ava grandi e ganny sove.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

1 Zan 1:1

Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

Revelasyon 14:6

Apre, mon ti war en lot lanz pe anvole tre o dan lesyel. I ti annan en Bonn Nouvel eternel pour anons tou zabitan later, nasyon, tribi, lalang ek pep.