1 Pyer 1:23 - Labib An Kreol Seselwa

²³ Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

1 Pyer 1:23 ပူးပေါင်းရင်းမြစ်များ

Zeremi 23:28

Sa profet ki'n ganny en rev, i devre rakont son rev! Sa profet ki'n antann en mesaz ki sorti kot mwan, i devre proklanm sa mesaz avek fidelite! Ki lapay pe fer avek dible? SENYER i deklare.

Levitik 11:37

Si enn sa pti bebet oubyen zannimo mor i tonm lo bann legren ki devre ganny senmen, sa legren ava reste pir.

Malasi 2:3

Mon pou pini zot desandans. Mon pou zet fimyen dan zot figir, fimyen ki zot anmennen pour sakrifis, e zot ava ganny anmase ansanm.

Matye 24:35

Lesyel ek later pou disparet, me mon parol pa pou disparet.

Levanzil dapre Lik 8:11

“La sinifikasyon sa parabol: Lagrenn, se Parol Bondye.

Levanzil dapre Zan 1:13

Zot pa'n ne par en nesans natirel, ni par lavolonte zonm, me par lavolonte Bondye.

Levanzil dapre Zan 1:3

Par li, tou keksoz ti ganny fer; napa nanryen dan kreasyon ki'n ganny fer san li.

Levanzil dapre Zan 3:3

Zezi ti reponn li, “Mon dir ou, sa i laverite: Personn pa pou antre dan Rwayonm Bondye si i pa pas par en nouvo nesans.”

Levanzil dapre Zan 3:5

Zezi ti reponn li, “Mon dir ou, sa i laverite: Personn pa kapab antre dan Rwayonm Bondye si i pa ne par delo e par Lespri.

Levanzil dapre Zan 6:63

Se Lespri Bondye ki donn lavi; pouvwar zonm napa valer. Bann parol ki mon'n dir zot i Lespri e i lavi.

Romen 1:23

Olye ador Bondye dan son mazeste ki egziste eternelman, zot ador bann stati ki reprezant en zonm ki mortel, zwazo, zannimo kat lapat ek reptil.

Ebre 4:12

Parol Bondye i vivan e pwisan. I pli koupe ki en lepe ki koup de kote. I kapab penetre ziska pli profon nou leker, ziska zwentir ek lanmwel lezo. I kapab ziz tou dezir ek sekre leker imen.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

1 Pyer 1:25

Me parol Senyer li, i reste pour touzour. Sanmenm sa parol Bonn Nouvel ki'n ganny anonse avek zot.

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,

1 Zan 3:9

Sa enn ki'n vin zanfan Bondye pa fer pese, akoz pwisans lavi ki sorti kot Bondye i dan li. I pa kapab kontinyen fer pese, akoz Bondye i son Papa.

1 Zan 5:18

Nou konnen ki en dimoun ki'n ne koman zanfan Bondye pa fer pese, akoz Bondye i protez sa enn ki i'n donn nesans, e dyab pa kapab tous li.