1 Pyer 1:22 - Labib An Kreol Seselwa

²² Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Pyer 1:22 ပူးပေါင်းရင်းမြစ်များ

Levanzil dapre Zan 15:17

Alor, la komannman ki mon donn zot: Kontan kanmarad.”

Levanzil dapre Zan 15:3

Lansennyman ki mon'n donn zot, in deza rann zot pir.

Levanzil dapre Zan 17:17

Konsakre zot par laverite; ou parol i laverite.

Levanzil dapre Zan 17:19

Pour zot, mon konsakre ou mon lekor, pour ki zot osi, zot ava vreman ganny konsakre dan laverite.

Akt de Zapot 15:9

I pa ti fer okenn diferans ant zot ek nou; me i ti pirifye zot leker, akoz zot in krwar.

Akt de Zapot 6:7

Parol Bondye ti kontinyen fannen; lakantite disip ti ogmant vit dan Zerizalenm. En gran kantite pret ti aksepte krwar dan Zezi.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Romen 2:8

Me i ava montre son lakoler ek son mekontantman anver bann ki revolte kont li, bann ki opoz laverite e ki ganny enfliyanse par lenzistis.

Romen 8:13

Annefe, si zot viv dapre zot prop natir, zot pou mor. Me si par Lespri, zot touy bann aksyon zot natir egois, zot ava viv.

2 Korentyen 6:6

Nou'n montre ki nou ete par nou lavi pir, nou konnesans, nou pasyans, nou bonte, par laksyon Lespri Sen, nou lanmour senser,

Galat 3:1

Bann Galat fou! Lekel ki'n zet sor lo zot? Pourtan, zot in ganny en deskripsyon kler lo Zezi-Kri ki'n ganny krisifye.

Galat 5:5

Kanta nou, nou met nou lespwar dan Bondye ki pou rann nou zis devan li. Sanmenm sa ki nou pe espere, par pwisans Lespri Sen ki travay atraver nou lafwa.

Galat 5:7

Zot ti'n byen konmanse. Lekel ki'n fer zot arete obeir laverite?

Efezyen 4:3

Fer tou pour prezerv linite ki Lespri i donnen par lape ki ini zot.

Filipyen 1:9

La sa ki mon demann Bondye dan mon lapriyer: Ki zot lanmour i ogmante e vin pli gran ankor, avek en vre konnesans ek en konpreansyon parfe,

1 Tesalonisyen 3:12

Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

2 Tesalonisyen 2:13

Kanta nou, frer ek ser! Nou devre toultan remersye Bondye pour zot, ki Senyer i kontan. Annefe, Bondye in swazir zot an premye pour li sov zot, par Lespri ki rann zot lavi sen, e gras a zot lafwa dan laverite.

1 Timote 1:3

Parey mon ti dir ou kan mon ti pe al Masedwann, reste Efez kot serten dimoun pe ansenny fo doktrin. Fodre ou fer zot arete.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Timote 5:2

bann fanm aze koman ou manman, e bann zenn fanm koman ou ser, avek en lespri pir.

2 Timote 1:14

Avek led Lespri Sen ki reste dan ou, gard byen bann lenstriksyon ki ou'n ganny konfye.

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Ebre 13:1

Kontinyen kontan kanmarad koman bann frer ek ser.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Let Zak 1:21

Alor, rezet tou bann salte dan zot lavi ek tou bann move mannyer viv. Aksepte avek douser parol ki Bondye in plant dan ou leker, akoz sa parol i annan pouvwar pou sov ou.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

1 Pyer 2:17

Annan respe pour tou dimoun. Kontan zot bann frer dan lafwa. Ador Bondye e annan respe pour lerwa.

1 Pyer 3:1

Zot bann fanm, zot devre aksepte lotorite zot mari. Konmsa, si i annan ki refize krwar dan Parol Bondye, zot ava kanmenm kapab aksepte lafwa, gras a zot kondwit.

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?

1 Pyer 4:8

Avan tou, zot devre annan en gran lanmour pour kanmarad, akoz lanmour i akord pardon en kantite pese.

2 Pyer 1:7

Anfen, azout avek fidelite anver Bondye, lafeksyon fraternel, e avek lafeksyon fraternel, lanmour.

1 Zan 3:11

Annefe, la mesaz ki zot in tande depi o konmansman: Kontan kanmarad.

1 Zan 3:23

La son komannman: Nou devre krwar dan non son Garson Zezi-Kri e nou devre kontan kanmarad parey Kris in ordonn nou.

1 Zan 4:12

Personn pa'n deza war Bondye. Si nou kontan kanmarad, Bondye i viv dan nou e son lanmour i parfe dan nou.

1 Zan 4:20

Si en dimoun i dir: Mon kontan Bondye me i deteste son frer, i en manter. Annefe, si en dimoun i deteste son frer ki i war, i pa kapab kontan Bondye ki i pa war.

1 Zan 4:7

Mon bann zanmi! Annou kontan kanmarad, akoz lanmour i sorti kot Bondye. Sa enn ki kontan, i zanfan Bondye e i konn Bondye.

Revelasyon 2:4

Me sa ki mon annan kont ou, se ki ou'n perdi ou premye lanmour.