1 Pyer 1:18 - Labib An Kreol Seselwa

¹⁸ Annefe, zot konnen par ki pri, zot in ganny sove dan zot mannyer viv initil ki zot in erite avek zot zanset. Sa pa ti fer atraver bann lobze ki perdi valer tel ki larzan oubyen lor,

1 Pyer 1:18 ပူးပေါင်းရင်းမြစ်များ

Psonm 39:6

I ale vini, parey en lonbraz; i fatig li en kantite; me sa i zis divan. I akimil larises san konnen lekel ki pou profite.

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 52:3

La sa ki SENYER i deklare: Ou ti ganny vann pour nanryen, e ou pou ganny aste san larzan.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 4:11

SENYER pou dir bann zabitan Zerizalenm: En divan so ki sorti dan dezer, pe vin soufle lo mon pep. I pa en labriz pour vannen, ni pour netwaye.

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Zeremi 9:14

Zot in prefere reste dan zot lantetman; zot in al ador bann fo bondye Baal, parey zot bann zanset in montre zot.

Ezekyel 20:18

Mon ti dir avek zot bann zanfan dan dezer: Pa obei lalwa zot bann zanset, pa gard zot bann regleman, ni rann zot enpir avek zot bann zidol.

Amos 2:4

La sa ki SENYER i deklare: Akoz sa kantite krim Zida, mon pa pour sanz mon desizyon: Zot in rezet mon lansennyman, zot pa'n obei mon komannman. Zot in les zot ganny tronpe, parey zot zanset ki ti ganny egare par bann mansonz. Zot osi, zot in swiv sa bann mansonz.

Nonm 7:15

en toro, en mouton mal adilt, en zenn mouton aze enn an pour sakrifis konplet;

Mark 8:37

Ki en zonm i kapab donnen an retour pour son lavi?

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

1 Korentyen 3:20

E ankor: Senyer i konnen: Sa ki bann saz i mazinen napa okenn valer.

1 Korentyen 6:20

akoz Bondye in pey en gran pri pour li aste zot. Alor, servi zot lekor pour loue Bondye.

1 Korentyen 7:23

Zot in ganny aste pour en gran pri. Pa les zot vin lesklav zonm.

Galat 1:4

Kris in donn son prop lekor pour sov nou dan nou pese, pour delivre nou anba pouvwar sa lemonn aktyel e move, dapre lavolonte Bondye, nou Papa.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

1 Pyer 4:3

Annefe, pandan ase lontan, zot in viv parey bann etranze, dan vis, move dezir, lavi soular, bann parti bwar avek move aksyon ek ladorasyon zidol degoutan.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.