1 Pyer 1:15 - Labib An Kreol Seselwa

¹⁵ Parey Bondye ki'n apel zot i sen, zot osi, vin sen dan tou zot kondwit.

1 Pyer 1:15 ပူးပေါင်းရင်းမြစ်များ

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Matye 5:48

Zot alor, zot devre parfe parey zot Papa ki dan lesyel i parfe.

Romen 9:24

Sa i konsern nou osi ki i'n swazir, pa zis parmi bann Zwif, me osi parmi lezot nasyon.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Filipyen 3:14

Mon taye pour mwan ariv lo bit, pour ganny sa pri ki Bondye, par Zezi-Kri, in apel nou pour resevwar depi lao.

Filipyen 3:20

Me nou, nou bann sitwayen lesyel, ki pe esper avek enpasyans nou Sover, Senyer Zezi-Kri ki pou retournen sorti dan lesyel.

1 Tesalonisyen 2:12

Nou'n ankouraz zot, konsey zot e ensiste pour ki zot anmenn en lavi ki fer plezir Bondye. Annefe, li menm ki'n apel zot pour antre dan son Rwayonm e partisip dan son laglwar.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

Let Pol pour bann Tit 3:14

Nou bann zans osi i bezwen aprann fer bann bon aksyon. Konmsa, zot ava kapab fer fas avek bann sityasyon irzan e pa viv en lavi initil.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Let Zak 3:13

Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?