1 Pyer 1:11 - Labib An Kreol Seselwa

¹¹ Zot in fer en gro zefor pour dekouver dan ki lepok e dan ki sirkonstans, bann lendikasyon ki Lespri Kris in donnen, ti koresponn. Annefe, sa Lespri ki ti dan zot, ti anons davans, soufrans ki Kris ti devre pas ladan ek laglwar ki devre swiv.

1 Pyer 1:11 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Matye 26:24

Parey in ganny ekri dan Lekritir, Fis-de-Lonm pou ale. Me maler pour sa zonm par ki Fis-de-Lonm i ganny trai! I ti ava preferab pour li, si i pa ti'n zanmen ne!”

Levanzil dapre Lik 24:44

Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”

Levanzil dapre Zan 12:41

Ezai ti dir sa akoz i ti'n war son mazeste e i'n koz lo li.

Akt de Zapot 16:7

Kan zot ti ariv pre Mizi, zot ti esey antre dan Bitini, me Lespri Zezi pa ti les zot.

Romen 8:9

Kanta zot, zot pa viv anba kontrol natir imen. Zot viv anba kontrol Lespri, si vreman Lespri Bondye i reste dan zot. Sa enn ki napa Lespri Kris, pa pour Kris.

Galat 4:6

Laprev ki zot in vin son bann zanfan, Bondye in anvoy dan nou leker Lespri son Garson ki kriye: Aba! Papa!

2 Pyer 1:21

Annefe, napa okenn mesaz profesi ki'n ganny prodwir par lavolonte imen, me se Lespri Sen ki'n pous dimoun pour koz delapar Bondye.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.