1 Kronik 9:2 - Labib An Kreol Seselwa

² Premye pour etabli dan zot posesyon, dan bann lavil ti bann Izraelit, bann pret, bann levit ek bann serviter tanp.

1 Kronik 9:2 ပူးပေါင်းရင်းမြစ်များ

Esdras 2:1

La bann dimoun ki ti sorti dan bann provens ki Naboukodonozor, lerwa Babilonn, ti anmenn annegzil Babilonn e ki ti retourn Zerizalenm ek Zida, sakenn dan son prop lavil.

Esdras 2:43

Bann serviter tanp: Bann garson Siha, bann garson Asoufa, bann garson Tabaot,

Esdras 2:58

Bann serviter tanp ek bann garson bann serviter Salomon, ti annan an tou 392.

Esdras 2:70

Bann pret, bann levit ek serten lezot dimoun ordiner tel ki bann santer, bann portye ek bann serviter tanp ti reste Zerizalenm e dan bann lavil dan zalantour; bann Izraelit ti osi reste dan zot lavil.

Esdras 8:20

Parmi bann serviter tanp ki David ek son bann sef ti'n met apar pour ed bann levit, ti annan osi 220 zonm. Tousala ti ganny mansyonnen par zot non.

Nehemi 10:29

ti zwenn ansanm avek zot bann frer, bann sef. Zot ti pret serman pour swiv lalwa ki Bondye ti donnen par lentermedyer Moiz, serviter Bondye e pour met an pratik tou bann komannman SENYER, nou SENYER, son bann regleman ek son bann lalwa.

Nehemi 11:1

Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

Nehemi 7:60

Parmi bann serviter tanp ek fanmir bann serviter Salomon ti annan an tou: 392 zonm.

Nehemi 7:73

Alor, bann pret, bann levit, bann portye, bann santer, ek serten parmi lepep, bann serviter tanp ek pep Izrael antye ti enstal zot dan zot lavil. Ler setyenm mwan ti arive, pep Izrael ti pe reste dan zot lavil.