1 Kronik 18:2 - Labib An Kreol Seselwa

² I ti bat bann Moabit ki ti vin bann serviter David. Zot ti bezwen pey li taks.

1 Kronik 18:2 ပူးပေါင်းရင်းမြစ်များ

2 Samyel 8:2

I ti bat osi bann zabitan Moab ki i ti fer dormi ater, e mezir zot avek en bout lakord. I ti fer touy sak de premye mezir, e les viv trwazyenm. Bann Moabit ti vin anba dominasyon David, e zot ti forse pey taks.

1 Rwa 10:2

I ti ariv Zerizalenm avek en gran delegasyon, avek samo sarze avek en varyete zepis, en kantite lor, avek bann pyer presyez. Ler i ti ariv kot Salomon, i ti kestyonn li lo tou sa ki i ti mazinen.

1 Rwa 10:25

Sakenn ti anmenn bann kado, bann lobze annarzan oubyen annor, lenz, lamir, zepis, seval ek bourik. Zot ti fer sa tou le zour.

1 Kronik 18:1

Apre, David ti bat bann Filisten e fer zot soumet avek li. I ti pran lavil Gat ek son bann vilaz, dan lanmen bann Filisten.

1 Kronik 18:3

David ti bat Hadadezer lerwa Soba, dan direksyon Hamat. Sa ti lepok ki Hadadezer ti pe al etabli son pouvwar ziska kot larivyer Efrat.

Psonm 60:8

Moab i mon kivet pour mwan bennyen; mon zet mon sandal lo Edonm. Mon proklanm laviktwar lo pei Filisten.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 16:1

Anvoy mouton kot dirizan sa pei depi Sela, an pasan par dezer, ver montanny Siyon.

Nonm 24:17

Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.

1 Samyel 10:27

Me ti annan en bann voryen ki ti dir: Sanmenm sa zonm ki pou sov nou? Zot ti mepriz li e zot pa ti donn li okenn prezan. Me i ti reste trankil.