1 Kronik 17:9 - Labib An Kreol Seselwa

⁹ Mon pou etabli en landrwa pour mon pep Izrael. Mon pou etabli zot, pour ki zot reste dan zot prop landrwa e san ganny deranze ankor. Okenn nasyon lennmi pa pou rekonmans maltret zot parey avan.

1 Kronik 17:9 ပူးပေါင်းရင်းမြစ်များ

1 Kronik 17:10

Depi sa lepok ki mon ti etabli bann ziz pour diriz mon pep Izrael, mon'n fer tou zot bann lennmi soumet. Mon ti anons ou ki SENYER ki pou konstri en lakaz pour ou.

1 Kronik 17:8

Mon'n avek ou partou kot ou'n ale; mon'n fer disparet devan ou tou ou bann lennmi. Mon pou fer ou renonmen vin parey bann gran dimoun lo later.

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 89:22

Lennmi pa pou kapab tronp li; bann malfeter pa pou kapab imilye li.

Psonm 92:13

I parey en pye dibwa ki'n ganny plante dan tanp SENYER. I fleri dan lakour tanp nou Bondye.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Ezai 49:17

Ou bann zanfan pe depese pour vin konstri; sa bann ki ti detri e kraz ou, pe kit pei.

Ezai 60:18

Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Zeremi 24:6

Mon pou pran gran swen avek zot, e mon pou fer zot retourn dan sa pei. Olye demoli zot ankor, mon pou relev zot; olye derasin zot, mon pou replant zot.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Ezekyel 28:4

Akoz ou lasazes ek ou disernman, ou'n fer ou fortin. Ou'n akimil en trezor, lor ek larzan.

Ezekyel 34:13

Mon pou retir zot parmi bann nasyon etranze; mon pou rasanble zot e ranmenn zot dan zot pei. Mon pou nouri zot lo bann montanny Izrael, dan bann vale partou dan meyer landrwa, dan sa pei.

Ezekyel 37:25

Zot pou reste dan sa pei ki mon'n donn mon serviter, Zakob, la kot zot bann zanset ti reste. Zot pou reste dan sa pei avek zot zanfan ek zanfan zot zanfan, pour touzour. Mon serviter David ava vin zot lerwa pour touzour.

Amos 9:15

Mon pou retabli mon pep lo son later. Zanmen zot pou ganny derasinen lo sa later ki mon'n donn zot. SENYER zot Bondye ki deklare.

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

Revelasyon 21:4

I pou eswiy tou larm dan zot lizye. Lanmor pou nepli egziste. Pou nepli annan ni dey, ni larm, ni soufrans, akoz lemonn ansyen in disparet.