1 Kronik 15:1 - Labib An Kreol Seselwa

¹ David ti konstri en lakaz pour li dan lavil David. I ti prepar en landrwa pour Kof Lalyans Bondye e i ti dres en latant pour met li.

1 Kronik 15:1 ပူးပေါင်းရင်းမြစ်များ

2 Samyel 14:24

Me lerwa ti dir, “I ava al dan son lakaz, mon pa oule war li ditou.” Alor, Absalon ti al se li, e i pa ti prezant li ditou devan lerwa.

2 Samyel 5:9

David ti reste dan fortres ki i ti apel lavil David. David ti konstri lavil tou otour depi Milo e ver lenteryer.

2 Samyel 6:12

Zot ti rakont tousala lerwa David, “SENYER in beni fanmir Obed ek tou sa ki i posede, akoz Kof Bondye.” Alor, David ti al sers Kof SENYER kot Obed-Edonm, e anmenn li dan lavil David avek en gran selebrasyon.

2 Samyel 6:17

Apre ki zot ti'n anmenn Kof SENYER, e depoz li dan son plas, dan en latant ki David ti'n prepare pour li, David ti ofer devan SENYER sakrifis konplet ek sakrifis lape.

1 Kronik 15:12

I ti dir zot, “Zot bann sef fanmir parmi bann Levit; pirifye zot ek zot bann frer pour zot kapab transport Kof Lalyans SENYER, Bondye Izrael, pour anmenn li dan sa landrwa ki mon'n prepare pour li.

1 Kronik 15:3

David ti rasanble pep Izrael antye Zerizalenm, pour transport Kof Lalyans SENYER dan son plas ki ti'n prepare pour li.

1 Kronik 16:1

Zot ti anmenn Kof Lalyans Bondye, e plas li dan latant ki David ti'n monte pour li. Zot ti ofer sakrifis konplet ek sakrifis lape devan Bondye.

1 Kronik 6:31

La bann dimoun ki David ti etabli pour diriz santer dan tanp SENYER de ki Kof Lalyans ti ganny depoze laba.

2 Kronik 1:4

Me Kof Lalyans Bondye ti Zerizalenm, dan en latant ki lerwa David ti'n fer ler i ti retourn avek li sorti Kiryat-Yearim.

2 Kronik 5:2

Apre, Salomon ti rasanble otour li dan Zerizalenm, tou bann ansyen parmi pep Izrael, tou sef bann tribi, sef bann fanmir Izraelit, pour fer monte Kof Lalyans SENYER, sorti dan lavil David, setadir Siyon.

Psonm 132:5

tan ki mon pa trouv en landrwa pour SENYER, en landrwa reste pour Bondye Pwisan Zakob.

Akt de Zapot 7:46

ki ti'n resevwar faver Bondye. I ti demann permisyon pour fer en lakaz pour Bondye Zakob.