1 Kronik 13:6 - Labib An Kreol Seselwa

⁶ David avek Izrael antye ti mont Baala, setadir Kiryat-Yearim, ki ti pour Zida, pour fer retournen Kof Bondye, SENYER ki asiz lo son tronn par lao bann seriben, la kot son non i ganny envoke.

1 Kronik 13:6 ပူးပေါင်းရင်းမြစ်များ

1 Rwa 8:16

Depi sa zour ki mon'n fer mon pep Izrael sorti Lezip, mon pa'n zanmen swazir en lavil parmi tou bann tribi Izrael kot pou konstri en lakaz ki port mon non; me mon'n swazir David pour fer li vin sef mon pep Izrael.

2 Rwa 19:15

Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Egzod 20:24

Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Egzod 23:21

Fer sir ou obeir li. Pa revolte kont li, akoz i pa pou pardonn ou bann fot. Annefe, i vin lo mon non.

Egzod 25:22

La kot mon pou rankontre ou; mon pou koz avek ou depi kouvertir Kof Lalyans, ant sa de seriben ki lo Kof Temwannyaz, pour mwan donn ou tou bann lord pour pep Izrael.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Nonm 6:27

Konmsa zot ava fer mon non repoz lo pep Izrael e mon ava beni zot.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Zozye 15:60

Kiryat-Baal, ki apel osi Kiryat-Yearim, e Raba: An tou 2 lavil avek zot bann vilaz.

Zozye 15:9

Depi latet montanny, frontyer ti tourn ver bann sours delo Neftoa, kontinyen ver bann lavil sitye lo montanny Efronn; apre, frontyer ti tournen dan direksyon Baala, setadir Kiryat-Yearim.

Zozye 9:17

Alor, bann Izraelit ti met zot anrout e trwa zour apre, zot ti ariv dan bann lavil sa bann zans: Gabaon, Kefira, Beerot e Kiryat-Yearim.

1 Samyel 4:4

Lepep ti anvoy en group zonm Silo, pour al sers Kof lalyans Bondye liniver ki son tronn i ant bann seriben. De garson Eli, Hofni ek Fineas ti akonpanny Kof lalyans Bondye.

1 Samyel 6:21

Zot ti anvoy mesaze kot bann zabitan Kiryat-Yearim pour dir zot: Bann Filisten in retourn avek Kof SENYER. Zot ti desann e vin serse pour anmenn kot zot.