1 Kronik 13:5 - Labib An Kreol Seselwa

⁵ Alor, David ti rasanble Izrael antye depi Sihor, dan Lezip, ziska lantre Hamat, pour retourn Kof Lalyans sorti Kiryat-Yearim.

1 Kronik 13:5 ပူးပေါင်းရင်းမြစ်များ

2 Samyel 6:1

David ti rasanble ankor tou bann meyer solda dan pep Izrael: 30,000 zonm an tou.

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

2 Rwa 25:21

Lerwa Babilonn ti touy zot, la Ribla, dan pei Hamat. Alor, Zida ti ganny deporte lwen avek son pei.

1 Kronik 13:4

Lasanble Izrael antye ti aksepte pour fer li, akoz tou dimoun ti war ki sa ti byen.

1 Kronik 13:6

David avek Izrael antye ti mont Baala, setadir Kiryat-Yearim, ki ti pour Zida, pour fer retournen Kof Bondye, SENYER ki asiz lo son tronn par lao bann seriben, la kot son non i ganny envoke.

1 Kronik 15:3

David ti rasanble pep Izrael antye Zerizalenm, pour transport Kof Lalyans SENYER dan son plas ki ti'n prepare pour li.

Ezai 23:3

Zot al lot kote lanmer ki for pour fer komers avek tou sa ki ganny rekolte obor Nil. Zot in vin ris lo komers avek bann nasyon.

Zeremi 2:18

Aprezan, ki ou krwar ou pou gannyen ler ou al Lezip kot ou pou bwar delo larivyer Nil? Ki ou krwar ou pou gannyen ler ou al Asiri kot ou pou bwar delo larivyer Efrat?

Zozye 9:17

Alor, bann Izraelit ti met zot anrout e trwa zour apre, zot ti ariv dan bann lavil sa bann zans: Gabaon, Kefira, Beerot e Kiryat-Yearim.

1 Samyel 6:21

Zot ti anvoy mesaze kot bann zabitan Kiryat-Yearim pour dir zot: Bann Filisten in retourn avek Kof SENYER. Zot ti desann e vin serse pour anmenn kot zot.

1 Samyel 7:1

Bann zabitan Kiryat-Yearim ti vin pran Kof SENYER, e anmenn dan lakaz Abinadab, lo kolin. Zot ti swazir son garson Eleazar pour pran swen Kof SENYER.

1 Samyel 7:2

Kof SENYER ti reste lontan Kiryat-Yearim; 20 an ti pase, e pep Izrael ti lamante devan SENYER pour sa.