1 Kronik 11:2 - Labib An Kreol Seselwa

² Dan lepase, menm kan Sail ki ti lerwa, ou ki ti nou sef e ki ti diriz Izrael dan lager e retourn avek zot. SENYER ou Bondye ti dir ou: Se ou ki berze mon pep, Izrael; e ou ava vin sef mon pep, Izrael.

1 Kronik 11:2 ပူးပေါင်းရင်းမြစ်များ

2 Samyel 5:2

Lontan, ler Sail ti nou lerwa, ou ki ti diriz tou bann ekspedisyon militer. SENYER ti dir avek ou, Ou pou gouvern mon pep Izrael, e ou pou vin sef pep Izrael.”

2 Samyel 7:7

Partou, mon'n akonpanny pep Izrael. Eski mon'n deza demann okenn sef bann tribi Izrael ki mon'n swazir pour vey lo mon pep Izrael: Akoz ou pa'n konstri en lakaz an bwa sed pour mwan?

1 Rwa 14:7

Al dir Zeroboanm: La sa ki SENYER, Bondye pep Izrael i deklare: Mon'n elev ou parmi lepep e mon'n etabli ou koman sef mon pep Izrael.

1 Rwa 3:9

Donn mwan, SENYER, disernman neseser pour gouvern ou pep, pour mwan disern sa ki bon ek sa ki move. Lekel ki kapab gouvern ou gran pep!”

Psonm 78:71

I ti pran li parmi bann troupo pour fer li vin berze son pep Zakob e Izrael son patrimwann.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 55:4

Mon'n fer li vin en temwen pour bann pep, en sef ki komann bann pep.

Zeremi 3:15

Mon pou donn ou bann sef ki ava vey lo ou e ki obei mwan. Zot ava diriz ou avek lasazes ek disernman.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Nonm 27:17

pour komann zot dan lager, pour ki ou pep pa egare parey bann mouton san berze.”

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Levanzil dapre Zan 10:4

Kan i'n fini fer zot sorti, i mars devan zot, e bann mouton i swiv li, akoz zot konn son lavwa.

1 Samyel 16:1

SENYER ti dir Samyel, “Ziska kan ou pou pler Sail? Mwan, mon'n rezet li koman lerwa Izrael. Ranpli ou korn avek delwil e ale. Mon anvoy ou kot Zese en zabitan Betlehenm, akoz mon'n war mon lerwa parmi son bann zanfan.”

1 Samyel 16:13

Samyel ti pran sa korn delwil e vers lo son latet parmi tou son bann frer. Apartir sa zour, lespri SENYER ti desann lo David. Samyel ti retourn Rama.

1 Samyel 18:13

I ti met David alekar; i ti fer li ansarz 1,000 zonm. David ti al fer lager e retournen avek son troup zonm.