1 Kronik 10:7 - Labib An Kreol Seselwa

⁷ Kan tou bann Izraelit ki ti dan vale ti war ki larme ti'n sove e ki Sail ek son bann garson ti'n mor, zot ti abandonn zot lavil e zot ti sove. Bann Filisten ti vin reste la.

1 Kronik 10:7 ပူးပေါင်းရင်းမြစ်များ

1 Kronik 10:6

Se konmsa ki Sail ek son trwa garson ti mor avek tou lafanmir rwayal anmenmtan.

1 Kronik 10:8

Lannmen, ler bann Filisten ti vin depouy bann kadav, zot ti trouv lekor Sail ek son bann garson lo montanny Gilboa.

Levitik 26:31

Mon pou fer zot bann lavil vin en ta debri, devaste zot bann sanktyer; mon pa pou aksepte loder zot bann lofrann.

Levitik 26:36

Pour sa bann ki ava'n reste dan pei, mon pou anvoy dekourazman lo zot dan pei zot bann lennmi. Tapaz en fey ki tonbe pou fer zot per. Zot pou sove konmsi zot ti pe sov lennmi. Zot pou tonbe menm si personn pa ti pe pourswiv zot.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:43

Bann etranze ki pe reste kot ou, ava vin pli ris e pli pwisan; me ou, ou pou vin pli pov e perdi ou pouvwar.

Ziz 6:2

Bann Madyanit ti fer Izrael santi zot pouvwar. Akoz zot, pep Izrael ti al reste dan bann krevas dan montanny, bann lagrot e dan bann presipis.

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.

1 Samyel 31:7

Ler serten bann zabitan Izrael lo en kote vale ek bann lo lot kote larivyer Zourden ti tande ki larme Izrael ti'n sove e ki Sail ek son bann garson ti'n mor, zot osi, zot ti abandonn zot lavil e sove. Bann Filisten ti vin etabli zot dan sa bann lavil.