1 Kronik 10:4 - Labib An Kreol Seselwa

⁴ Sail ti dir avek son porter zarm: Tir ou lepe e pik mwan; mon pa oule bann ki pa'n sirkonsi i touy mwan e abes mwan. Me son porter zarm ti refize; e i ti ganny en gran lafreyer. Sail ti pran son prop lepe; i ti zet li lo la e i ti mor.

1 Kronik 10:4 ပူးပေါင်းရင်းမြစ်များ

2 Samyel 1:20

Pa anons sa dan pei Gat; pa pibliy sa nouvel dan bann semen Askelonn pour ki bann fiy Filisten, pa rezouir, e ki fiy bann non sirkonsi pa fet laviktwar.

2 Samyel 1:6

Sa zonm ti reponn, “Mon ti lo montanny Gilboa; e mon ti war Sail zet son lekor lo son lans. I ti'n ganny kwense par bann solda lennmi lo seval.

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

1 Rwa 16:18

Kan Zimri ti remarke ki lavil ti'n ganny pran, i ti antre dan pale rwayal e met dife; i ti mor dan dife.

1 Kronik 10:3

Lager ti konsantre lo Sail, bann tirer fles ti dekouver li e Sail ti tranble avek lafreyer.

1 Kronik 10:5

Ler son porter zarm ti war ki Sail ti'n mor, li osi, i ti zet li lo son lepe e i ti mor.

Akt de Zapot 1:18

Avek larzan ki i ti'n ganny peye pour son krim, Zida ti aste en morso later, kot i ti tonm par latet e i ti mor. Son lekor ti pete e tou son zentesten ti fannen.

Akt de Zapot 16:27

Gardyen prizon ti reveye. Kan i ti war tou bann laport prizon ouver, i ti tir son lepe pour touy son lekor, akoz i ti krwar ki tou bann prizonnyen ti'n sove.

Ziz 15:18

En gran laswaf ti pran li. Alor, i ti priy SENYER, “Ou ki'n donn mwan, ou serviter, sa gran laviktwar. Aprezan, eski mon pou mor laswaf e tonm dan lanmen sa bann ensirkonsi?”

Ziz 16:21

Bann Filisten ti atrap li e krev son lizye. Zot ti anmenn li Gaza e anmar li avek lasenn an bronz. Zot ti fer li tourn en gro ros moulen dan prizon.

Ziz 9:54

Toudswit, Abimelek ti apel son serviter ki ti pe anmenn son bann zarm. I ti dir li, “Tir ou lepe e touy mwan, pour ki dimoun pa dir ki en fanm ki ti touy li.” Son serviter ti pik li e i ti mor.

1 Samyel 14:6

Zonatan ti dir son porter zarm, “Vini! Annou al lot kote dan kan bann Filisten, sa bann zonm ki pa'n sirkonsi. Petet SENYER ava ed nou. Annefe, menm si i annan en kantite nou, sa pa pou anpes SENYER donn son laviktwar.”

1 Samyel 17:26

David ti dir avek bann zonm ki avek li, “Ki zot pou fer pour sa enn ki ava touy sa Filisten e tir laont lo Izrael? Lekel li sa Filisten, en non sirkonsi, ki oze provok bann troup Bondye vivan?”

1 Samyel 17:36

Konmsa ki mon'n touy lyon ek lours; sa Filisten sa non sirkonsi pou pas parey enn ant zot, akoz in provok troup Bondye vivan.”

1 Samyel 31:4

Sail ti dir son porter zarm, “Tir ou lepe, e touy mwan, pour ki bann Filisten non sirkonsi pa touy mwan, oubyen boufonn mwan.” Me son porter zarm pa ti aksepte; i ti per en kantite. Alor, Sail ti pran son prop lepe, e zet li lo la.