Mònàmɛ̀ mò hwɛ nà inyɔ hwatò ema hwatò hwa hwɛnyɛ, inyɔ ema hwa tàkirzɛ̀, rzìi hwa è òhwàna inyayi ja hwèyà hwe wòhwe na lì è tɛmeya imbòŋgì ja mòlàŋgà ò lìnà la ami.
Iŋgi Ihvàlìrzàyì rzìi ì mò alàhwɛ̀ nanù ema, “O ma ŋyàahwà ndì ò wòhwe rzì ò òŋgeya hvɛ ò tenì ya wòhwe, rzìi nàŋgɛ wa arza lì jò òkòlɛ̀ e?” Rzìi hwa mò hvaya ò ndawò ya màkanɛ̀.
O nàŋgɛ rzɔ, inyɔ ema e ahwɛ̀lɛ̀hwɛ̀ wònyà Yudà, e ikayi ndi mèèmà me anyu ò e mbenda ya ama Mòrzè ndeŋgànɛ̀lɛ̀ e kumbà iŋgèŋgè ja anyu ò lì ayèkirzɛ̀ nanù ema inyɔ ndi e hwɛni Lohwɛ̀.
Irzɔ i gbeyà èwòlò ya imbami na màà mà arzu, ò lì lùwa lì làa la arzu la wùnyà. Hwatò hwa jò jemi tɛ ì hwa nàmìrzɛ̀, hwatò hwa jò tàkirzɛ tɛ i hwa àjùlɛ̀nɛ̀.
Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.
È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.