Yòwanìrzɛ̀ 9:24 - Mokpwe: Bakwery (New Testament)

²⁴ È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”

Yòwanìrzɛ̀ 9:24 ပူးပေါင်းရင်းမြစ်များ

Makòrzì 15:27

Hwa mà wòmeyà hvɛ hwàyihwɛ̀ hwàhwàkɛ̀ ò mbarza mɔ̀kɔ ò lìya là ŋmalì, ɔnɛ̀yi hvɛ ò lìya la mòmɛ la ama Yerzù.

Lukàrzɛ̀ 15:2

Ihvàlìrzàyì nà hwà-òkòlèlì wa mbenda hwa mà wòteya lì àyiŋgòwɛ̀ nanù ema, “È ɔŋgɔ̀ tɛ, ònò mòtò à ɛndɛ̀ nà hwatò hwa wòhwe natɛ̀ɛ nà lì làalɛnɛ̀ nà wɔ̀.”

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 18:30

Hwà mà mò alàhwɛ̀ nanù ema, “Mɔ̀ a rzi hwɛ tɛ mòtò wa wòhwe, òma irzɔ i rza ò akɛlɛlɛ e mɔ̀.”

Yòwanìrzɛ̀ 19:6

Nà òma Ipìlìrzì ndɛnɛ nà hwàgbèèlì hwa Ndawò yà Lohwà hwa mà mò ɛnɛ rzìi hwa wòteyà lì tɛɛ nanù ema, “È mò wòmeyà ò mburza! È mò wòmeyà ò mbarza!” Pìlatò rzi à hwa alàhwɛ̀ nanù ema, “Inyɔ hwiti è mò wòwe è ɛ̀ndɛ, è mò wòmeyà ò mbarza, èhwanja nà rza mò lùwànì tɔ̀ njɔ̀mì.”

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 8:46

I ma mɔ̀kɔ wa anyu ema a nò rzɔ njɔ̀mi ya wòhwe e? Nà e òhweyà tɛ e jɔ̀kɛ̀, mamɛ ndeŋgatɛ e rza nò lòkɛ̀ e?

Yòwanìrzɛ̀ 8:49

Yerzù à mà hwa alàhwɛ̀ nanù ema “Nà rza òhvi tɔ̀ èlìŋgɛ̀ ya wòhwe ò nyò ya ami. Ndi na ŋgba tɛ e Tatɛ̀ wa ami èluhwe, ndi inyɔ e rza nò ŋgba èluhwe.

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

Yòwanìrzɛ̀ 9:25

Òŋgò mòtò rzìi a hwa alàhwɛ̀ nanù ema, “Nà rza hwi ŋga ònò mòtò a hwèlì ndi mòtò wa wòhwe tɔ̀ a rza enje mòtò wa wòhwe. Èya yɔ̀kɔ ema na hwi e hwèlì ndi nanù ema, nà mà hwɛ ndima ndì ò nàŋgɛ nanù na ɛnɛ.”

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.