Yòwanìrzɛ̀ 8:48 - Mokpwe: Bakwery (New Testament)

⁴⁸ Hwatò hwa Yudà hwa mò alàhwɛ̀ nanù ema, “O èŋgànɛ̀lɛ̀ irzɔ i rza hvòmɛ̀nɛ̀ lì òhwa nanù ema ò wa ò hwèlì ndi mòtò wa Rzàmàrìyà, ndèŋgànɛ̀lɛ̀ ò òhvi èlìŋgɛ̀ ya wòhwe ò nyò ya aŋgɔ e?”

Yòwanìrzɛ̀ 8:48 ပူးပေါင်းရင်းမြစ်များ

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 10:5

Yerzù à mà òma lìyòme la hwatò na hwahwakɛ. Rzìi à hwa òhweyà nanù ema, “È rzi ɛ̀ndɛ ò mambòwà ema mà rza enje mambòwà mà wònyà Yudà. Ndèŋgànà e rzi ɛndɛ ò tɔ̀ mbòwa ema e hwèlì ò èkòmè ya Rzàmàrìyà.

Matiyò 11:18

Nà è òhweyà ndì hwene hweyà nanù ehwànja e hvònda ema Yòwanìrzɛ̀ è Mòlùhwìrzèlì à mà hwɛ, a rzìi nyàmɛ̀lɛ̀ lì laa mòlelì na lì nyɔ mimba. Hwa ma hwɛ lì òhwa nanù ema, ‘A òhvi èlìŋgɛ̀ ya wòhwe ò nyò ya eni.’

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 12:31

Nà è òhweyà ndi e jɔ̀kɛ̀ nanù ema, tɔ̀ ima wòhwe na ìrzìlàkò ema mòtò a gbèyi Lohwɛ̀ a ò mò làkìrzɛ̀, ndi tɔ̀ njɛnɛ ema a òhwi eyà ya wòhwe lì hvòmɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀.

Matiyò 15:7

Inyɔ hwatò hwa mèhvìlì! È Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀ lìrzàkò ema à mà òhwe ò èlìŋgɛ̀ lì e hvòmɛ̀nɛ̀ nanù ema,

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 10:20

Lòŋgò hwà mà a òhwanɛ̀ nanù ema, “A òhvi èlìŋgɛ̀ ya wòhwe ndèŋgànɛ̀lɛ̀ hvɛ a rza enje ò lìhwiyè la eni. Mamɛ ndèŋgàtɛ̀ i mò òkànèyà e?”

Yòwanìrzɛ̀ 13:13

Inyɔ e nò hwɛlɛ Mòòkòlèlì, na Rzàŋgò, ndèŋgàna e hvòmɛ̀nɛ̀yi, èhwanja nanù ndi imba na hwèlì.

Yòwanìrzɛ̀ 4:9

Oŋgò mòlanà wa Rzàmàrìyà rzìi a mò alàhwɛ̀ nanù ema, “O hwèlì ndi mòtò wà Yudà, imba hvɛ mòlanà wa Rzàmàrìyà. Nɛ rzɔ ò wa ò tànɛyi lì nò ijòwa ema na ò ŋgbee malìhwà mà lì nyɔ e?” (Èhwanja hwatò hwa Yudà hwa rzi lɛ̀ŋgɛ na hwatò hwa Rzàmàrìyà).

Yòwanìrzɛ̀ 7:20

Rzìi e ŋgìndì e timbirzɛlɛlɛ nanù ema, “Yerzù ò òhvi èlìŋgɛ̀ ya wòhwe! Hwa njɛnɛ hwa arza lì ò òŋwa e?”

Yòwanìrzɛ̀ 8:22

Ène mbɔrzi è mà gbeyà hwatò hwa Yudà hwa mà ijòwa nanù ema, “À ò à òŋwɛ mɔ̀ ŋmìti e?” Èhwanja mɔ̀ à òhwa nanù ema, “Èki ema nà ɛ̀ndɛ, inyɔ è rza tànɛyi lì jà e?”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Ròmànì 15:3

Tɔ̀ Krirztò ŋmìti a rzi hwɛ lì gbeye hweyà ò lì alìŋgìrzɛ mɔ̀ ŋmìti. Ndi à mà gbeyà ndi na òma e tìlahwì ò kààtì ya Lohwà nanù ema, “Hweyòlì hwe arzɛ ema hwà mà ò hwɛnyɛ, hwe ma nò timbeya ndi imba.”

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.