Yòwanìrzɛ̀ 8:37 - Mokpwe: Bakwery (New Testament)

³⁷ Nà hwi nanù ema inyɔ e hwèlì ndi e nyɔ̀ŋgɔ̀nì ya ama Abràhamù. Ndi tɔ̀ nanù, inyɔ e wòŋgirzɛnɛyi ò lì nò òŋwa, èhwanja hweyòhwèlì hwe ami hwe rza òhvi tɔ̀ ìlùkù ò mèèmà me anyu.

Yòwanìrzɛ̀ 8:37 ပူးပေါင်းရင်းမြစ်များ

Matiyò 13:15

Nà òhwa ndi nanù èhwanja hwanù hwatò hwa rza tànɛyi lì òkòwa hvɛ tɔ̀ eyà. Wɔ̀ hwa umbi hvɛ matò nà mììrzɔ̀ mà awu. Hwa rza ò hweyà nà lì ɛnɛ hvɛ tɔ̀ eyà. È rzi hwɛ tɛ nanù, òma wɔ̀ hwa ɛnɛ nà lì embàneyà. Aŋga nanù òma wɔ̀ hwa hweyàna na matò ma awu ndèŋgànà òma mèèmà me awu meyɔhvɛ̀ me rzɔ̀ŋgìtɛ̀nɛ̀. Wɔ̀ hwa gbèyi tɛ nanù hwa nò timbeya òma nà mà hwa òŋgirzɛ.’

Matiyò 3:9

È rzi ɔ̀ŋgɛlɛ hvɛ̀ èma è tànɛyi lì hwaŋga hwèkɔ̀kìrzèlì hwe ama Lohwɛ̀ ò lì àwòhwànɛ̀lɛ̀ inyɔ hwiti nanù ema, è hwèlì ndi hwàànà hwa ama Abràhamù. Ndi nà è òhwèyà ema Lohwɛ̀ à tanɛ̀yi lì gbèya na manù màŋyàyi ò lì mà gbèya ema mà hwɛ hwàànà hwa ama Abràhamù.

Yòwanìrzɛ̀ 10:31

O ene hvònda hwatò hwa wònyà Yudà hwà mà kòma màŋyàyi ò lì uŋma Yerzù hvɛ.

Yòwanìrzɛ̀ 11:53

Lìwòteyà èŋge hvònda, hwàkànèlì hwa wònyà Yudà hwa wòteya lì ŋya ŋmanò ò lì òŋwa Yerzù.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Yòwanìrzɛ̀ 7:19

È rza enje e jɔ̀kɛ̀ nanù ema Mòrzè à mà e ŋgba imbenda e? Tɔ̀ nɛ tɔ̀ mɔ̀kɔ wa anyu a rza ika ini mbenda. Mamɛ rzɔ ndèŋgàtɛ̀ e arza lì nò òŋwa e?”

Yòwanìrzɛ̀ 7:25

Lòŋgò là hwatò ema hwà mà hwɛ lì lìya ò Jèrurzalɛ̀mù rzìi hwa wòteya ò lì àyijòwànɛ̀ mɔ̀kɔ na ɔ̀nɛyi nanù ema, “Rzekɛ ònò mòtò ndi hwa hwèlì lì keka ò lì òŋwa e?

Yòwanìrzɛ̀ 8:33

Wɔ̀ hwà mà mò alàhwɛ̀ nanù ema, “Irzɔ i hwèlì ndi e nyɔ̀ŋgɔ̀nì ya ama Abràhamù. Ndèŋgànɛ̀lɛ̀ hvɛ irzɔ i rzi hwèlì a hwɛ, tɔ̀ hwàkòmì hwa tɔ̀ mòtò tɔ̀ mɔ̀kɔ. Nɛ rzɔ ò wa òhwa ema i hwɛnì lì lùwa wònjà e?”

Yòwanìrzɛ̀ 8:43

Mamɛ ndeŋgatɛ e rza rzɔ̀ŋgìtɛ̀nɛ̀ e mbɔrzi ya ami e? Èhwanja inyɔ e ambi lì hwèya mamɛ na òhwa.

Yòwanìrzɛ̀ 8:56

È rzàŋgò ya anyu Abràhamù à mà òka mɔ̀nyɛ̀ŋgì ò lì hwiya màlùtèyà ma lì ɛnɛ wònò wùnyà wò ami. Mɔ̀ à mà wò ɛnɛ, ndèŋgàna à mà lìŋga.”

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Yòwanìrzɛ̀ 8:6

Wɔ̀ hwà mà gbeyàna ndi mene miijòwelì nàa ŋgundèli, ò lì lùwa njɔ̀mi ò lì mò hwɛlɛ. Ndi Yerzù mɔ̀ à mà ujama ò rze, rzìi a wòteya lì tìla na jɔ̀nɔ ja eni ò mɔ̀nyɛ̀ nàa a rzì hweye mamɛ hwà mà òhwe.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Ròmànì 9:7

Ndeŋgànɛ̀lɛ̀ rzeketɛ e nyɔ̀ŋgɔ̀nì yà arzɛ yà ama Abràhamù ndi è hwèlì hwàànà hwa ama Lohwɛ̀. Lohwɛ̀ à mà òhweyà Abràhamù nanù ema, “O ò lùwa ndi mèmbamba mè aŋgɔ̀, ò mòtende mò è ŋmanà wà munyanà wà aŋgɔ̀ Irzàkì.”

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

1 Yòwanìrzɛ̀ 2:14

Inyɔ ema e hwèlì nàa hwàanà hwa ami, na e tìleya ehwànja e hwi Tatɛ̀. Inyɔ ema e hwèlì nàa i tatɛ̀ ja ami na e tìleya èhwanja e hwi, e mɔ̀ ema a hwèlì aŋga natɛ̀ɛ na o hwewotelì. Hwèrzɔ̀mbɛ̀, na e tìleya ehwànja e imbami ndèŋgànɛlɛ Eyà ya Lohwà e hwèlì o tenì ya anyu, ndèŋgànɛlɛ e akayi e Mɔ̀ ema a hwèlì Wòhwe.