Yòwanìrzɛ̀ 6:64 - Mokpwe: Bakwery (New Testament)

⁶⁴ Ndi ò hwèlì lòŋgò la hwa inyɔ ema e rza lòkɛ̀yì.” (Li wòteyà lìrzakò ema Yerzù à mà wòteyà lì òkòlɛ à ma hwiya hwatò ema hwa rza lòkɛ̀ ndèŋgàna hwà mà hwɛnɛ lì mò àhwirzɛ̀).

Yòwanìrzɛ̀ 6:64 ပူးပေါင်းရင်းမြစ်များ

Matiyò 10:4

Rzìmɔ̀nì mòtò ema lì emeyà la eni lì rza àyèŋgòwɛ̀, na Jùdàrzì Ìrzìkarìyɔ̀tɛ̀, ema à mà àhwirzɛ̀ Yerzù.

Yòwanìrzɛ̀ 10:26

Ndi e rza nò lòkɛ̀yì èhwanja e rza enje mɛ̀lɛ̀ŋgù me ami na òma nà mà e òhwane.

Yòwanìrzɛ̀ 18:4

Yerzù à mà hwɛ à mà hwiya mamɛ yà arzɛ è mà hwɛnɛ lì mò gbèyɛ̀nɛ, ama wurza rzìi à hwa ijòwa nanù ema, “Njɛnɛ à hwèlì è mòtò è arza e?”

Yòwanìrzɛ̀ 5:42

Ndi na hwi i nyayi ja hwatò ema e hwèlì, na hwi hvɛ nanù ema e rza lìŋgàni Lohwɛ̀ ò mèèmà me anyu.

Yòwanìrzɛ̀ 6:36

Nà è òhweyà nanù ema inyɔ è mà màà lì nò ɛnɛ ndi è rza nò lòkɛ̀.

Yòwanìrzɛ̀ 6:60

Rzayì-rzayì ja hwatò ema hwà mà hwɛ lì òŋgama Yerzù na òma hwà mà hweye hwene hweyà rzìi hwa òhwa nanù ema, “Hwene hwèyòkòlèlì hwe ambi ò lì rzɔ̀ŋgìtɛ̀nɛ̀, njɛnɛ mɔɔ a tànɛyi lì e emeyà lìni lìtumba la eyà e?”

Yòwanìrzɛ̀ 6:61

Yerzù a mà ayèmbɛ nanù ema hwà mà hwɛ lì àyiŋgòwɛ̀ lì mò hvòmɛ̀nɛ̀, rzi a hwa òhweyà nanù ema, “Ènè eyà ye e tàtìrzɛ̀ e?

Yòwanìrzɛ̀ 6:66

Lìwòteyà eŋge hvònda, ene eyà e ma gbeyà hwatò ema hwà mà hwɛ lì nɔŋgɔ Yerzù hwà mà hwɛmɛ ò lì mò nɔŋgɔ rzi hwa timbeya ò mburza.

Yòwanìrzɛ̀ 8:23

Ndi Yerzù à mà ɛ̀ndɛnɛ e mbɔrzi ya eni ò wòrzò ò lì òhwa nanù ema, “Inyɔ e uwɛ̀lɛ̀lɛ̀yi ndi ò rze. Imba na uwɛ̀lɛ̀lɛ̀yi ò ŋmanyu. Inyɔ e hwèlì ndi hwatò hwa ene rze. Imba na rza enje wa ene rze.

Yòwanìrzɛ̀ 8:55

Tɔ̀ nɛ inyɔ e rza mò hwiyɛ, imba na mò hwi na òhwi tɛ ema na rza mò hwi, ò ma na hwèlì mòlàŋgà na òma inyɔ e hwèlì. Ndi imba na mò hwi ndèŋgànɛ̀lɛ̀ na hweyàna e mbɔrzi ya eni.

Hwègbèèlì 15:18

Imba ndi nà mà gbeyà hwenè hweyà hwe arzɛ hwe ma hwiyahwe natɛ̀ɛ na e hvònda ya kòhwa.’”

Ròmànì 8:29

Lohwɛ̀ mɔ̀ à màa lì tɛ̀yirzɛ nanù ema hwatò ema à mà lòme lì hvɔ̀rzɔ̀, ɛ̀ɛ̀mɛ̀ ya awu e ò hwɛ ndi nàa e ya ama è Ŋmanà wà eni aŋga nanù òŋgò Ŋmanà à ò hwɛ ndi è Ŋmanà wà wòrzò ò ìtììtènì ja ama wònyanyàŋgò wa eni.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.