Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yòwanìrzɛ̀ 6:56 - Mokpwe: Bakwery (New Testament)

56 Tɔ njɛnɛ ema a lelì e nyàmà nyò ya ami rzìi a nyɔ hvɛ màyija ma ami à hwèlì ndi na imba ndèŋgànɛlɛ imba hvɛ na hwèlì ndi na mɔ̀.

အခန်းကိုကြည့်ပါ။ ကော်ပီ




Yòwanìrzɛ̀ 6:56
16 ပူးပေါင်းရင်းမြစ်များ  

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.


Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.


È nyàmà nyò ya ami rzɔ e hwèlì mòlelì mò tɛ̀ɛ̀tɛ̀ɛ màyija ma ami mò hvɛ ma hwèlì ndi hwènyɔ̀ɔ̀nì hwe tɛ̀ɛ̀tɛ̀ɛ̀.


È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”


Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.


Inyɔ è àŋgàmɛ̀nɛ̀yi ò lì ɛnɛ nanù ema, ŋmɛ̀ndì ema inyɔ è mà hwèyɛ natɛ̀ɛ nà ò hwèwòtèlì, mò lìyayi ò tenì yà anyu. Ŋmɛ̀ndì ema è mà hwèyɛ mò lìyelì tɛ ò tenì yà anyu, è ò hwɛ nà è Ŋmanà wà ama Lohwɛ̀ nà è Tatɛ̀.


Hwàŋga hwatò ema hwa ika imbenda jà ama Lohwɛ̀, hwa lììyà ò lì ahvìyànɛ̀ nà mɔ̀, ndèŋgànɛ̀lɛ̀ mɔ̀ à lìya ò lì ahvìyànɛ̀ nà wɔ̀. Nànù ndi irzɔ ì hwiya nanù ema Lohwɛ̀ à hwèlì nà irzɔ. Ì hwi nanù ehwànja èlìŋgɛ̀ ema mɔ̀ à mà jò ŋgbɛ.


Tɔ̀ mòtò à rzi ɛni à ɛnɛ Lohwɛ̀, ndi jà alìŋgànɛ tɛ mɔ̀kɔ nà ɔ̀nɛyi, eŋge ŋgànà e hwèlì ndi nanù ema Lohwɛ̀ a hwèlì o ìtììtènì ja arzu ndèŋgàna e ndìŋgɛ ya eni e o ondìrzɛ̀hwɛ̀ o ìtììtènì ja arzu.


È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ