Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yòwanìrzɛ̀ 6:47 - Mokpwe: Bakwery (New Testament)

47 Nà e òhweyà ndi e jɔ̀kɛ̀, tɔ̀ njɛ ema a nò lòkɛ̀yì a ò luwa lòŋgɛ la gbìndèyà.

အခန်းကိုကြည့်ပါ။ ကော်ပီ




Yòwanìrzɛ̀ 6:47
15 ပူးပေါင်းရင်းမြစ်များ  

Tɔ̀ njɛnɛ ema, a hwelì o lìni lòŋgɛ, rzìi a nò lòkɛ̀, a rza ŋwa ò lòkɛ̀yì nanù e?”


O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.


Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.


Tɔ̀ ima mɔ̀ ema à mò lòkɛ̀ à rza tùwa ŋmàŋgò ndi tɔ̀ ima mɔ̀ ema à rza mò lòkɛ̀, mɔ̀ à mà màà lì tùwa ŋmàŋgò èhwanja à rza lòkɛ̀ ehvòwà yà Ŋmanà yà ama Lohwɛ̀.


Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.


“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.


È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”


Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.


Ndi èhvòòtò ema è uwɛ̀lɛ̀lɛ̀yi ò ŋmanyu yà Lohwà è hwèlì ndi eŋge nyayi ema tɔ̀ ima mɔ̀ ema à è lelì à rza ŋwa.


Imba ndi nà hwèlì èhvòòtò ema è ŋgba lòŋgɛ ema è uwɛ̀lɛ̀lɛ̀yi ò ŋmanyu yà Lohwà. Tɔ̀ njɛnɛ à lelì ene èhvòòtò, à hwɛnɛ lòŋgɛ ema lì rza kùwa. Ndèŋgànɛ̀lɛ̀ ene èhvòòtò ema nà è ŋgba è hwèlì ndi è nyò yà ami ema nà ò ŋgba ò lì rzùŋga lòŋgɛ là ene rze.”


Ndi tɔ̀ njɛnɛ ema a lelì e nyàmà nyò ya ami rzi a nyɔ hvɛ màyija ma ami a ò luwa lòŋgɛ la gbìndèyà ndèŋgàna na hvùmùlɛ̀ òŋgò mòtò ò wùnyà wò lìrzukù.


O èŋgànɛ̀lɛ̀ imba ndi nà hwèlì èhvòòtò ema è uwɛ̀lɛ̀lɛ̀yi ò ŋmanyu yà lohwà. Nà rza enje ndi nàa èhvòòtò ema imbamba jà anyu ì mà lee tɔ̀ nɛ wɔ̀ hwa mà ŋwe. Ndi tɔ̀ njɛnɛ ema à ò lɛɛ è nyàmà nyò yà ami à ò hwɛnɛ ndi lòŋgɛ ema lì rza ò kuwa.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ