Yòwanìrzɛ̀ 6:45 - Mokpwe: Bakwery (New Testament)

⁴⁵ È tìlahwì na òma hwà-òhwèlì hwa hwèlìŋgɛ̀ hwa òhwi nanù ema, ‘Lohwà a ò hwa òkòlɛ wɔ̀ hwa arzɛ.’ Tɔ ima mɔ̀ ema a hweyàni Tatɛ̀ rzìi a òkòwa a nò jèeya imba.

Yòwanìrzɛ̀ 6:45 ပူးပေါင်းရင်းမြစ်များ

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Makòrzì 1:2

Nà òma è tìlàhwì ò kààtì yà ama è mòòhwèlì wà èlìŋgɛ̀ Àyìrzayà nanù ema, “Lohwɛ̀ à òhwi nanù ema, ‘Nà ò òma mèèrzènjà mè ami ò wòrzò ò lì ò rzèkeyà è njiya.’ Mòrzeya mò mà hweyàhwà ò mòrzanjɛ̀ nanù ema, È rzèkeyà hwèjèelì hwe ama è Rzàŋgò,

Lukàrzɛ̀ 1:70

Nà òmà a mà òhwe nà è kòhwa, à mà òma Hwà-òhwèlì hwa eni hwa Hwèlìŋgɛ̀ hwa wòtani ò lì òhwa nanù ema,

Lukàrzɛ̀ 18:31

Yerzù rzìi a wòwa lìyòmɛ̀ la eni la hwà-òkòwèlì nà hwàhwàkɛ̀ ò tòŋgòŋgò yà èni, rzìi a hwa òhweyà nanù ema, “È òkànèyà, ì hwɛnì lì àgba ò Jèrurzalɛ̀mù, hweyà hwe àrzɛ ema hwà-òhwèlì hwa hwèlìŋgɛ̀ hwà mà tìle lì hvòmɛ̀nɛ̀ è Ŋmanà wà è Mòtò wà Hwènàmà, hwe òndìrzɛ̀hwɛ̀.

Yòwanìrzɛ̀ 10:27

Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 6:65

Yerzù rzìi a hwa òhweyà nanù ema, “Nànù ndeŋgatɛ nà mà òhwa nanù ema tɔ̀ mòtò a rza tànɛyi lì nò jèeya natɛ̀ɛ Tatɛ̀ wa ami a mò gbeyà ema a nò jèeya.”

Hwègbèèlì 13:40

È àŋgòhweyà ema eyà ya wòhwe ema hwà-òhwèlì hwa hwèlìŋgɛ̀ hwà mà òhwe e rza e gbèyɛ̀nɛ inyɔ. Wɔ̀ hwà mà òhwa nanù ema,

Hwègbèèlì 7:42

Aŋga ndi Lohwɛ̀ à mà hwa kumbɛlɛlɛ e mburza rzi a hwa hwɛmɛ ò lì kanɛ̀ iŋginyà ema i hwèlì ò lìwòhwɛ̀ là ŋmanyu. È ma gbèyɛnɛ na òma e tìlahwì ò kààtì ya hwà-òhwèlì hwa hwèlìŋgɛ nanù ema, ‘Hwàtò hwa Irzàyɛ̀lì imba ndi e ma rziikeya na lì tumbɛlɛlɛ hwèembè ò lì ŋgba jàhwèyà e hvònda ema e ma hwɛ ò mòrzanjɛ ò mènìmenì me meya e?

Ɛ̀hvìrzìyà 1:17

Ndèŋgànɛ̀lɛ̀ nà kanɛ̀ ndi nanù ema Lòohwà là ama Rzàŋgo yà arzu Yerzù Krirztò, Tatɛ̀ yà èluhwe, à è ŋgbe Èlìŋgɛ̀ yà Wòtani nà ò lì rzɔ̀ŋgìtɛ̀nɛ̀ iŋgi wùndɛ̀ jà hweyà ema hwe utamì aŋga nanù è hwe hwiya gbamù.

Hvìlipìyà 3:15

O eŋgànɛlɛ rzɔ, inyɛ irzɔ hwa arzɛ ema i ma màa lì òŋgeyà o lìlòkɛ̀, inyɛ ja alɛ̀mbɛ̀nɛ ndi ene nyayi ya màlùtèyà o hwene hweyà. Ndi e hwèlì tɛ nanù ema inyɔ e ohvi tɛ ma hvɛhvɛ màlùtèyà o lì hvomɛ̀nɛ̀ hwene hweyà, aŋga nanù Lohwɛ̀ a o e oŋgòhwànà o lì hwe rzɔ̀ŋgìtɛ̀nɛ̀ gbamù.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

Hibrù 10:16

“È Rzàŋgo è ohwi nanù ema, ‘Yòòmbò ene ema nà hwɛni lì ààtɛ̀ɛ̀ ò hvonda ema è hwɛni lì jà ò worzo. Nà hwa gbeyà ò lì hwiya ì mbenda jà ami, ndèŋgàna nà hwa gbeyà ema hwa rzìi keka lì jì hvoŋga.’”

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.