Yòwanìrzɛ̀ 6:38 - Mokpwe: Bakwery (New Testament)

³⁸ Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Yòwanìrzɛ̀ 6:38 ပူးပေါင်းရင်းမြစ်များ

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Yòwanìrzɛ̀ 3:13

O rza enje tɔ̀ mɔ̀kɔ ema à mà ɛ̀ndɛ ò ŋmanyu ya Lohwà lì aka tɛ è Ŋmanà wà è Mòtò wà Hwènàmà ema a uhwɛlɛlɛ ò ŋmanyu ya Lohwà lì jà ò rze ya mɔ̀nyɛ̀.”

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 3:31

È mɔ̀ ema a uhwɛlɛlɛ ò ŋmanyu yà Lohwà, a akayi hwatò hwa arzɛ. È mɔ̀ ema a ŋyààhwì anu rze ya mɔ̀nyɛ̀ a hwèlì ndi wa ene rze, ndèŋgàna a òhwa hvɛ ndi hweyà hwe ene rze. È mɔ̀ ema a uhwɛlɛlɛ ò ŋmanyu yà lohwà, a akayi hwatò hwa arzɛ.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 5:19

Yerzù rzìi a alàhwɛ̀ hwàmbaki hwa wònyà Yudà nanù ema, “Nà è òhweyà è jɔ̀kɛ̀ nanù ema è Ŋmanà wà Lohwà à rza tanɛ lì gbeyà tɔ̀ eyà nà mɔ̀ ŋmìti, à gbeyà ndi mamɛ ema mɔ̀ à ɛni ema Tatɛ̀ wa eni a gbeyà. Tɔ̀ mamɛ ema Tatɛ̀ à gbeyà, è Ŋmanà wa eni mɔhvɛ à è gbeyà.

Yòwanìrzɛ̀ 5:30

“Nà rza tànɛ̀yi lì gbeyà eyà na è wònjà yà amì, na kàyìrzɛ̀ ndi na òma e Rzàŋgò a nò òhwèlì, ò èŋgànɛ̀lɛ̀ hwèkàyìrzèlèlì hwe tɛmi ehve-ehve, èhwanja na rza kàyìrzɛ̀ ndi na òma imba na arza, ndi na kàyìrzɛ̀ ndi na òma e mɔ̀ e ma a nò òmi a arza.

Yòwanìrzɛ̀ 6:29

Yerzù rzìi a hwa alàhwɛ̀ nanù ema, “Èya ema Lohwɛ̀ a arza ema e gbeye e hwèlì ndi nanù ema e nò lòkɛ̀ imba ema mɔ̀ à òmi.”

Yòwanìrzɛ̀ 6:33

Èhwanja imba ndi nà hwèlì eŋge èhvòòtò ema Lohwɛ̀ à ŋgba, ema è uhwɛlɛlɛ ò ŋmanyu yà lohwà, ema è ŋgba hwatò hwa ene rze lòŋgɛ.”

Yòwanìrzɛ̀ 6:42

Hwa mà òhwa hvɛ nanù ema, “Rzeke Yerzù è ŋmana wà ama Jòrzɛ̀hvù ònò, e? Rzeke I hwi rzàŋgɛ na nyàŋgɛ e? Nɛ̀ rzɔ a tànɛyi lì òhwa naŋgɛ nanù ema a uwɛ̀lɛ̀lɛ̀yi ndi o ŋmanyu ya Lohwà e?”

Yòwanìrzɛ̀ 6:57

Tatɛ̀ ema a gbèyi ema hwatò hwa hwɛ lòŋgɛ mɔ̀ ndi hvɛ a na òmi, mɔ̀ ndi hvɛ a gbèyi ema na hwèlì lòŋgɛ. Nànù ndi e hwèlì na tɔ̀ njɛnɛ hvɛ ema a lelì e nyò ya ami na mò gbeyà a hwɛ lòŋgɛ.

Ròmànì 15:3

Tɔ̀ Krirztò ŋmìti a rzi hwɛ lì gbeye hweyà ò lì alìŋgìrzɛ mɔ̀ ŋmìti. Ndi à mà gbeyà ndi na òma e tìlahwì ò kààtì ya Lohwà nanù ema, “Hweyòlì hwe arzɛ ema hwà mà ò hwɛnyɛ, hwe ma nò timbeya ndi imba.”

Ɛ̀hvìrzìyà 4:9

Nà oma è tìlahwì nanù ema, “A ma ɛndɛ o èki ema e kàrzàmi rzayi-rzayi.” Mamɛ e hwèlì jànda ja ini jòohwi e? Ène e uŋmɛ̀lɛ̀ ndi nanù ema, mɔ̀ à mà loma lì jà o èki ema e rzɔ̀ŋgɔ̀, ema e hwèlì ndi ene rze.

Hibrù 5:8

Tɔ̀ nɛ Yerzù à mà hwɛ ndi è Ŋmanà wà ama Lohwɛ̀, à mà okowa lì hweyàna Lohwɛ̀ o hweyà ema à mà tàkìrzɛ̀hwɛ̀.