Yòwanìrzɛ̀ 6:35 - Mokpwe: Bakwery (New Testament)

³⁵ Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

Yòwanìrzɛ̀ 6:35 ပူးပေါင်းရင်းမြစ်များ

Matiyò 11:28

“È je na imba, inyɔ hwatò hwa arzɛ ema e ma ɔ̀tɔ̀ ò lì hwanɛ̀ miyuna ema me lìti, na e ŋgbà lì arziyòlɛ.

Lukàrzɛ̀ 6:25

Mòjèmà nà inyɔ ema è uji nàŋgɛ èhwanja è hvònda e ò jà ema e tàkàna e njàwò. Mòjèmà nà inyɔ ema è yɔ̀ɔ nàŋgɛ èhwanja è hwɛnì lì ɛ̀hwɛ nà lì eyà.

Yòwanìrzɛ̀ 4:15

Oŋgò mòlanà à mà òhweyà Yerzù nanù ema, “Ìi Rzàŋgò kòkò, ò nò ŋgbè manù malìhwa, aŋga nanù na rza hwɛnɛ nyìrzɛ na lì jà hvɛ anu ò lì kòòhwa malìhwa.”

Yòwanìrzɛ̀ 5:40

Tɔ nɛ e rza arza lì nò jèeya ò lì lùwa lòŋgɛ là gbìndèyà.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 6:41

Hwàŋga hwatò hwa wònyà Yudà rzìi hwa wòteyà lì tɔ̀kìrzɛ̀nɛ̀ Yerzù èhwanja à mà òhwa nanù ema, “Imba ndi nà hwèlì èhvòòtò ema è uhwɛlɛlɛ̀ ò ŋmanyu yà lohwà.”

Yòwanìrzɛ̀ 6:65

Yerzù rzìi a hwa òhweyà nanù ema, “Nànù ndeŋgatɛ nà mà òhwa nanù ema tɔ̀ mòtò a rza tànɛyi lì nò jèeya natɛ̀ɛ Tatɛ̀ wa ami a mò gbeyà ema a nò jèeya.”

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.

Hwèwulùwèlì 7:16

Wɔ̀ hwa rza o hweyà a hweyà hvɛ tɔ̀ njàwò, ndèŋgànɛ̀lɛ̀ hwa rza o hwɛnɛ ahwɛ̀nɛ̀ hvɛ tɔ̀ nyìrzɛ ya malìhwa. Igbe i rza o hwa hvahva hvɛ, ndèŋgànɛ̀lɛ̀ hwa rza o atowɛ tɔ̀ ètùmbàtùmbà ndɛnɛ hvɛ.