Yòwanìrzɛ̀ 6:33 - Mokpwe: Bakwery (New Testament)

³³ Èhwanja imba ndi nà hwèlì eŋge èhvòòtò ema Lohwɛ̀ à ŋgba, ema è uhwɛlɛlɛ ò ŋmanyu yà lohwà, ema è ŋgba hwatò hwa ene rze lòŋgɛ.”

Yòwanìrzɛ̀ 6:33 ပူးပေါင်းရင်းမြစ်များ

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 3:13

O rza enje tɔ̀ mɔ̀kɔ ema à mà ɛ̀ndɛ ò ŋmanyu ya Lohwà lì aka tɛ è Ŋmanà wà è Mòtò wà Hwènàmà ema a uhwɛlɛlɛ ò ŋmanyu ya Lohwà lì jà ò rze ya mɔ̀nyɛ̀.”

Yòwanìrzɛ̀ 6:32

Yerzù rzìi à hwa alàhwɛ̀ nanù ema, “Nà è òhweyà è jɔ̀kɛ̀, rzeketɛ Mòrzè ndi à mà è ŋgba hwèhvòòtò ema hwe mà uhwɛlɛlɛ ò ŋmanyu. Ndi Rzàŋgò hwa ami ndi à mà è ŋgbà hwèhvòòtò ema hwe mà uhwɛlɛlɛ ò ŋmanyu yà Lohwà.

Yòwanìrzɛ̀ 6:38

Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Yòwanìrzɛ̀ 6:41

Hwàŋga hwatò hwa wònyà Yudà rzìi hwa wòteyà lì tɔ̀kìrzɛ̀nɛ̀ Yerzù èhwanja à mà òhwa nanù ema, “Imba ndi nà hwèlì èhvòòtò ema è uhwɛlɛlɛ̀ ò ŋmanyu yà lohwà.”

Yòwanìrzɛ̀ 6:48

Imba ndi nà hwèlì èhvòòtò ema è ŋgba lòŋgɛ.

Yòwanìrzɛ̀ 6:50

Ndi èhvòòtò ema è uwɛ̀lɛ̀lɛ̀yi ò ŋmanyu yà Lohwà è hwèlì ndi eŋge nyayi ema tɔ̀ ima mɔ̀ ema à è lelì à rza ŋwa.

Yòwanìrzɛ̀ 6:58

O èŋgànɛ̀lɛ̀ imba ndi nà hwèlì èhvòòtò ema è uwɛ̀lɛ̀lɛ̀yi ò ŋmanyu yà lohwà. Nà rza enje ndi nàa èhvòòtò ema imbamba jà anyu ì mà lee tɔ̀ nɛ wɔ̀ hwa mà ŋwe. Ndi tɔ̀ njɛnɛ ema à ò lɛɛ è nyàmà nyò yà ami à ò hwɛnɛ ndi lòŋgɛ ema lì rza ò kuwa.”

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.