Yòwanìrzɛ̀ 6:27 - Mokpwe: Bakwery (New Testament)

²⁷ È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Yòwanìrzɛ̀ 6:27 ပူးပေါင်းရင်းမြစ်များ

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Matiyò 6:19

“È rzi keka lì awutɛlɛ mònàmɛ̀ anù rze yà mɔ̀nyɛ̀, èki ema lìrziyɛyi nà màaŋgàaŋgò mà hvaŋga hwèèmà, ema hwayihwɛ hwa ò gbɛɛ è ndawò ò lì kpèeyà lì ihwa.

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Makòrzì 1:11

Lìlò lì uwɛ̀lɛ̀lɛ̀ ò ŋmanyu yà lohwà rzìi lì òhwa nanù ema, “O wà ndì ò hwèlì è Ŋmanà wà amì wà ndìŋgɛ yà màlìŋgò, nà òki mɔ̀nyɛ̀ŋgì nà ò wà rzayì-rzayì.”

Makòrzì 9:7

Lìwòkìmɛnɛ lìmbàkì lì mà hwa lìŋga rzìi hwa hweyà lìlò lì òhwà ò tenì yà lìmbàkì nanù ema, “È Ŋmanà wa ami wa ndiŋgɛ ya màlìŋgò ònò e mò hweyàne.”

Lukàrzɛ̀ 3:22

Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”

Lukàrzɛ̀ 9:35

Hwa mà hwèya lìlò ema lì ma wurza ò lìŋgi lìmbàkì lì mà òhwa nanù ema, “È Ŋmanà wa amì ònò. Mɔ̀ ndì na hvɔ̀rzì. È mò òkànèyà ndi mɔ̀.”

Yòwanìrzɛ̀ 10:28

Nà ŋgbà mɛ̀ɛlɛ̀ŋgù me ami lòŋgɛ là gbìndèyà, ò èŋgànɛ̀lɛ̀ me rza ŋwa tɔ̀ wùnyà. Tɔ̀ mòtò arza tànɛyi lì nò hvùmana e meyɔ ò lìya la ami.

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 17:2

Èhwanja ò mò ŋgbelì wònjà lì kànèyà hwatò hwa arzɛ ò lì arza nanù ema a ŋgbè hwaŋga ema ò mò ŋgbelì lòŋgɛ la gbìndèyà.

Yòwanìrzɛ̀ 3:15

Ène e gbèyɛ̀nɛ nanù, aŋga nanù tɔ̀ ima mɔ̀ ema a mò lòkɛ̀ a luwa lòŋgɛ la gbìndèyà.

Yòwanìrzɛ̀ 3:33

Tɔ̀ ima mɔ̀ ema a emeyà mamɛ ema a òhwi, nanù ò ma a emelì na ŋmèma mò eni mò arzɛ ema Lohwɛ̀ a hwèlì ndi Lohwɛ̀ na e jɔ̀kɛ̀.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 6:47

Nà e òhweyà ndi e jɔ̀kɛ̀, tɔ̀ njɛ ema a nò lòkɛ̀yì a ò luwa lòŋgɛ la gbìndèyà.

Yòwanìrzɛ̀ 6:51

Imba ndi nà hwèlì èhvòòtò ema è ŋgba lòŋgɛ ema è uwɛ̀lɛ̀lɛ̀yi ò ŋmanyu yà Lohwà. Tɔ̀ njɛnɛ à lelì ene èhvòòtò, à hwɛnɛ lòŋgɛ ema lì rza kùwa. Ndèŋgànɛ̀lɛ̀ ene èhvòòtò ema nà è ŋgba è hwèlì ndi è nyò yà ami ema nà ò ŋgba ò lì rzùŋga lòŋgɛ là ene rze.”

Yòwanìrzɛ̀ 6:53

Yerzù rzìi a hwa òhweyà àma, “Nà e òhweyà ndi e jɔ̀kɛ̀ e rza lelì tɛ e nyàmà nyò ya ama è Ŋmanà wà è Mòtò wà Hwènàmà rzi e nyɔ hvɛ màyija ma eni e rza tànɛyi lì òhva lòŋgɛ la gbìndèyà.

Yòwanìrzɛ̀ 6:54

Ndi tɔ̀ njɛnɛ ema a lelì e nyàmà nyò ya ami rzi a nyɔ hvɛ màyija ma ami a ò luwa lòŋgɛ la gbìndèyà ndèŋgàna na hvùmùlɛ̀ òŋgò mòtò ò wùnyà wò lìrzukù.

Yòwanìrzɛ̀ 6:58

O èŋgànɛ̀lɛ̀ imba ndi nà hwèlì èhvòòtò ema è uwɛ̀lɛ̀lɛ̀yi ò ŋmanyu yà lohwà. Nà rza enje ndi nàa èhvòòtò ema imbamba jà anyu ì mà lee tɔ̀ nɛ wɔ̀ hwa mà ŋwe. Ndi tɔ̀ njɛnɛ ema à ò lɛɛ è nyàmà nyò yà ami à ò hwɛnɛ ndi lòŋgɛ ema lì rza ò kuwa.”

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Yòwanìrzɛ̀ 6:68

Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.

Yòwanìrzɛ̀ 8:18

Imba na hwèlì ndi mɔ̀kɔ ema na atɛ̀mɛ̀lɛ̀ e mbòŋgi, e Rzàŋgò hvɛ ema e nò òmi, mò hvɛ a nò tɛmelì mbòŋgi.”

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Ròmànì 4:11

Hwa mà mò endà ò mburza hvònda ema Lohwɛ̀ à mà màa lì mò emeyà. Nà òma hwa mà mò endè, eŋge è mà hwɛ ndi ɛ̀mɛ̀nɛ̀nì, ò lì òndìrzɛ̀ nanù ema, à mà emeyàlɛhwɛ ò wòrzò wò ama Lohwɛ̀ nàa mòtò ema à tɛmì ehve-ehve èhwanja à mà lòkɛ̀ Lohwɛ̀. Tɔ̀ nɛ è hvònda ema à mà emeyàlɛhwɛ ema à tɛmì ehve-ehve òma à rza endàhwi. Èŋge eyà è mà hwɛ ndi nanù aŋga nanù Abràhamù mɔ̀ ndi à hwɛ è tatɛ̀ yà hwaŋga hwatò hwa arzɛ ema hwa rza endàhwɛ̀, ema hwa emeyàlɛhwɛ nàa hwatò ema hwa tɛmì ehve-ehve èhwanja hwa lòkɛ̀ Lohwɛ̀.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

1 Kɔ̀rintìyà 6:13

Ohvɛhvɛ mòtò a tànɛyi lì ohwa nanù ema, “Molelì mò gbeyàhwi ndi ò lùuŋga, rzìi lùuŋga lɔ̀hvɛ lì gbeyàhwi ndi o mòlelì.” È jɔ̀kɛ̀, ndi o ò jà wùnyà ema Lohwɛ̀ a hwe hvaŋga hwe ahwàkɛ. È nyo ya arzu e rzi wèkahwì ndi ò lì gbeyà mòrzònje. Ndi è nyo yà àrzu è mà wèkahwà ndi lì gbèeyà Rzàŋgo; Rzìi Rzàŋgo a ɔ̀ŋgeyà è nyo yà àrzu.

1 Kɔ̀rintìyà 9:2

Tɔ̀ è hwɛ ndi nanù ema lòŋgo la hwatò hwa rza emelì ema na hwèlì ndì àpɔ̀rzìtòlò, ndi o inyɔ na hwèlì ndi mɔ̀kɔ. Nà oma e hwèlì nà Rzàŋgo, inyɔ hwiti e hwèlì ndi nàa ɛ̀mɛ̀nɛ̀nì yà ami ema nà hwèlì ndi àpɔ̀rzìtòlò.

2 Kɔ̀rintìyà 4:18

Ɔ̀ndeŋgàtɛ̀ irzɔ i rza ɛnɛ mene mètàkà ema i luwa nàŋgɛ na tɔ̀ eyà. Ndi i ma ika mèèmà me arzu o hwèèmà ema Lohwɛ̀ à mà jo ùteyà, tɔ̀ nɛ i rzi hwe ɛni na mìirzɔ̀ ma arzu. Hweema ema i ɛnɛ nàŋgɛ, hwe hwèlì ndi o ŋmana hvoka wa hvonda, ndi hweŋge hwèèmà ema i rza tànɛyi o lì ɛnɛ nàŋgɛ, hwe o hwɛ natɛ̀ɛ nà ò gbìndèyà.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Kòlòrzìyà 2:22

Iŋgi mbenda ja arzɛ ja ɛnɛ hweyà ema hwe rza enje tɔ̀ eyà hvɛ e hwèlì tɛ nanù ema mòtò à mà loma lì hwe gbeyàna. Iŋgi mbenda i hwèlì ndi mbenda na hwèyòkòlèlì ema hwatò hwa hwènàmà hwà mà wondɛ̀ na mahwiye ma awu.

Kòlòrzìyà 3:2

È ika mèèmà mè anyu ò hwèmà ema hwe hwèlì ò ŋmanyu yà lohwà, è rzi ika mèèmà mè anyu ò hwèmà hwe rze yà mɔ̀nyɛ̀.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

Hibrù 12:16

È àŋgàmɛ̀nɛ̀yi lì ɛnɛ nanù ema tɔ̀ mɔ̀kɔ wa anyu a rza hwɛnɛ lòŋgɛ la mòrzònje, ndèŋgàna e rzi gbeyà hweyà nàa hwatò ema hwa rza ohvɛ tɔ̀ eyà o lì gbeyà na Lohwɛ̀, nàa Èrzàwù à mà gbeye. Èrzàwù à mà àhwirzɛ̀ è wònjà ya eni nàa e molulu wa ŋmanà wa mùnyanà o nyòla lìhvurzu la mòlelì.

Hibrù 4:11

Ò èŋgànɛ̀lɛ̀ inyɛ i gbeye nanù ema, irzɔ hvɛ jò ò kpèeyà èŋge èki yà lì arzìyolɛ, aŋga nanù tɔ̀ mɔ̀kɔ wa arzu a rza o hvònda o lì kpèeyà aŋga. I rzi nɔ̀ŋgɔ̀ màtaŋgà mà hwatò ema hwa rzi hwɛ lì gbeyà na oma Lohwɛ̀ à mà ohwe nanù ema hwa gbeye.

Jèmìrzì 1:11

È hwèlì tɛ nanù ema igbe i hvànya ŋginyà-ŋginyà, eŋge etùmbàtùmbà e rzɛlɛ hwèwùlè ndèŋgànà iŋgi mbonji ja hweŋge hwèwùlè i hwɛni lì kòmeyà o rze ndèŋgànɛ̀lɛ̀ mòlòŋgà mo awu mo kuwa. Nànù hvɛ mɛ̀nɛ ndi hwèwàŋgì hwe hwatò hwe hwɛni lì kuwa nàa oma wɔ hwa oŋgama mònàmɛ̀ mo awu o mburza.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.

2 Pètrò 1:17

Irzɔ i ma ukeya aŋga na oma à mà hwɛ lì ŋgbààhwà èluhwe na ŋmàye na Lohwɛ̀ e Tatɛ̀. Lìlo lì ma uwɛ̀lɛ̀lɛ̀yi o ŋmanyu ema Lohwà ema lì Kàrzàmi lì ma mo òhweyà nanù ema, “È Ŋmanà wa ami wa munyanà wa ndìŋgɛ ya màlìŋgo òno ema a no òkirzɛ̀ imba mɔ̀nyɛ̀ŋgì.”