Yòwanìrzɛ̀ 6:15 - Mokpwe: Bakwery (New Testament)

¹⁵ Yerzù a mà hwiya nanù ema hwà mà arza lì mò lɛmbɛ ò lì mò gbeyà ema a hwɛ̀ e kiŋgɛ̀. O èŋgànɛ̀lɛ̀ à mà timba lì agba hvɛ ò mòòlì.

Yòwanìrzɛ̀ 6:15 ပူးပေါင်းရင်းမြစ်များ

Matiyò 5:1

Nà òma Yerzù à mà ɛnɛ è ŋgìndì rzìi à agba ò ŋmanyu yà mòòlì à lìya ò rze. Hwà-òkòwèlì hwa eni wɔ̀ hvɛ hwa mà agba lì mò ùŋmanɛlɛ aŋga.

Makòrzì 11:9

Hwàŋgà ema hwà mà ɛ̀ndɛ ò wòrzò, nà hwanɛ̀yì ema hwà mà mò nɔ̀ŋgɔ rzìi hwà à tɛ̀ɛ̀ nanù ema, “Hòrzanà, Jèka! Mònàmɛ̀ nà è mɔ̀ ema à jelì ò lìnà là amà è Rzàŋgò.

Lukàrzɛ̀ 19:38

rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Yòwanìrzɛ̀ 18:36

Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”

Yòwanìrzɛ̀ 5:41

“Nà rza arza ndi èluhwe ya hwatò hwa hwènàmà.

Yòwanìrzɛ̀ 6:22

O ɛnɛyi eka ya elele e ŋgìndì ya hwatò ema e ma lìiya ò eŋge ehvàrzu ya yùlu ema Yerzù na hwà-òkòwèlì hwa eni hwà mà uwɛlɛlɛ, wɔ̀ hwà mà hwiya nanù ema e ŋgòmbe e màa aka, wɔ̀lɔ̀ wɔ̀kɔ wɔ̀ ndi wò ma hwɛ aŋga. Ndèŋgana wɔ̀ hwà mà hwiya nanù ema Yerzù a rzi kpèeyà ò wòŋgò wɔ̀lɔ̀ na hwà-òkòwèlì hwa eni. Hwà mà hwiya nanù ema hwà-òkòwèlì hwa eni mɛnɛ ndi hwà mà ɛndɛ.

Yòwanìrzɛ̀ 6:3

Yerzù à mà agba ò mòòlì rzi a lìya ò rze na hwà-òkòwèlì hwa eni.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.