Yòwanìrzɛ̀ 5:39 - Mokpwe: Bakwery (New Testament)

³⁹ È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Yòwanìrzɛ̀ 5:39 ပူးပေါင်းရင်းမြစ်များ

Matiyò 22:29

Yerzù rzi a hwa alàhwɛ̀ nanù ema, “È hwèlì ndi ò matòna, èhwanja e rza rzɔ̀ŋgìtɛ̀nɛ̀ mamɛ Èya ya Lohwà e òhwa ndèŋgànɛ̀lɛ̀ e rza rzɔ̀ŋgìtɛ̀nɛ̀ hvɛ nɛ e ŋginyà ya ama Lohwɛ̀ e hwèlì.

Makòrzì 10:3

Yerzù rzìi à hwa alàhwɛ̀ nanù ema, “Mamɛ ema è mbenda yà ama Mòrzè è òhwa e?”

Makòrzì 12:10

Eyà ya Lohwà e òhwa nanù ema, ‘Lìnyayi ema hwà-òŋgèlì hwà mà hvake, lɔ̀ndi lì ma timbɛ lìŋyàyi lì endahwɛlɛ.

Lukàrzɛ̀ 16:29

Abràhamù rzìi a mò òhweyà nanù ema, ‘Wɔ̀ hwa òhvì hwetìlelì hwe ama Mòrzè nà hwetìlelì hwe hwà-òhwèlì hwa hwèlìŋgɛ̀. Ìnyɛ̀ hwa òkànèyà mamɛ ema e ma màa lì tìlahwa aŋga.’

Lukàrzɛ̀ 16:31

Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 1:45

Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Yòwanìrzɛ̀ 5:32

Ndi ò hwèlì ò hvɛhvɛ ema a ò nò tɛmeya mbòŋgi, na hwi hvɛ nanù ema màmɛ a òhwa lì nò hvòmɛ̀nɛ̀ e emànɛ̀lɛ̀hwɛ̀.

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 5:40

Tɔ nɛ e rza arza lì nò jèeya ò lì lùwa lòŋgɛ là gbìndèyà.

Yòwanìrzɛ̀ 5:46

È ma lòkɛ̀ tɛ Mòrzè ò tɛ̀ɛ̀tɛ̀ɛ, ò ma e nò lòkɛ̀ imbahvɛ èhwanja à mà tìla hweyà lì nò hvòmɛ̀nɛ̀.

Yòwanìrzɛ̀ 7:52

Rzìi hwa òhwa nanù ema, “Wàhvɛ o uwɛ̀lɛ̀lɛ̀yi ndi ò Gàlìlì e? O arze ò Kààtì ya ama Lohwà ò ɛnɛ ò wà witi ema tɔ̀ Mòòhwèlì wà èlìŋgɛ̀ a rzi uwɛ̀lɛ̀lɛ̀yi ò Gàlìlì.”

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Hwègbèèlì 26:27

Ìi kìŋgɛ̀ Agrìpa ò lòkɛ̀yi hweyà ema hwà-òhwèlì hwa hwèlìŋgɛ̀ hwà mà tile e? Nà hwi nanù ema ò hwe lòkɛ̀yi.”

Ròmànì 1:2

Mòŋgò Ŋmɛ̀ndì mò Gbamù mɔ̀ ndi Lohwɛ̀ à mà òhwe ndèŋgànà e hvònda nanù ema a ò ŋgba hwatò hwa eni. À mà òhweyà hwà-òhwèlì hwa hwèlìŋgɛ̀ hweyà lì hvòmɛ̀nɛ̀ mòŋgò Ŋmɛ̀ndì mò Gbamù na òma mò tìlahwì ò tenì ya e kààtì ya wòtani.

Ròmànì 3:2

Ɛ̀ɛ ò hwèlì mɔ̀rzɛ̀ŋgì rzayi-rzayi. Eyà ya wòrzò e hwèlì ndi nanù ema, ò màà mà ama wònyà Yudà ɔndi Lohwɛ̀ à mà ŋgbe ŋmɛ̀ndì mò eni.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hibrù 11:35

Lìlòkɛ̀ la lòŋgo la hwalanà lɔ ndi lì ma hwa gbeyà o lì ɛnɛ hwatò hwa awu ema hwà mà ŋwɛɛ o lì timba o lì hwɛ o lòŋgɛ. Ndi hwahvɛhvɛ hwatò hwà mà gbiyahwa natɛ̀ɛ hwa ŋwa. Wɔ̀ hwà mà rzɔ̀rzɔ̀ o lì rzɔ̀rzɔ̀ Lohwɛ̀ aŋga nanù hwa hwà hwɛmɛ. Wɔ̀ hwà mà gbeyà ndi nanù èhwanja hwà mà hwiya ema hwa hvùmù tɛ hwa o luwa lòŋgɛ la gbamù lì aka e lɔ ema lì hwèlì o rze.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.