Yòwanìrzɛ̀ 3:19 - Mokpwe: Bakwery (New Testament)

¹⁹ Nànù ndi è mbàkò yà ama Lohwɛ̀ è hwèlì: ŋmàye mò mà jà ò rze yà mɔ̀nyɛ̀ ndi hwatò hwa lìŋgàni ndi jììtìtì lì aka ŋmàye, èhwanja hwègbèèlì hwe awu hwe hwèlì wòhwe.

Yòwanìrzɛ̀ 3:19 ပူးပေါင်းရင်းမြစ်များ

Lukàrzɛ̀ 12:47

Òŋgò mògbèèlì ema à hwi hwètɛ̀yìrzèlì hwe èwòlò ya ama e rzàŋgò ya eni ya èwòlò, rzìi à rzì àwòŋgìrzɛ̀nɛ̀, tɔ̀ à rzì òŋgàme hwèŋge hwèkàyìrzèlì, à gbiyɛ̀hwɛ̀ hvònji yà jɔ̀kɛ̀.

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Yòwanìrzɛ̀ 1:4

Lòŋgɛ la arzɛ lì ma uhwɛlɛlɛ ndi ò eyà. À ma òhva lòŋgɛ rzi lìŋgi lòŋgɛ hvɛ lì mà jàneya hwatò ŋmàye.

Yòwanìrzɛ̀ 1:5

Mònò ŋmàye mò mà hvànya ò jìtìtì ndi jììtìtì i rzi tanɛ lì mò lìmìrzɛ̀.

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 12:43

Hwa mà hwɛ lì gbeyà nanù èhwanja hwa mà lìŋgàna jeka jà hwatò lì aka è lɔ̀ là ama Lohwà.

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Yòwanìrzɛ̀ 9:5

Nà òma na hwèlì anu rze, imba ndi na hwèlì ŋmàye mò rze.”

Ròmànì 1:32

Wɔ̀ hwa hwi nanù ema Lohwɛ̀ à mà òhwa nanù ema, hwatò ema hwa gbeyà iŋgi nyayi jà hweyà hwa àŋgàmɛ̀nɛ̀yi lì ŋwa, ndi tɔ̀ nanù hwa lìmelì ndi ò lì gbeyà hweŋge hweyà. Ndèŋgàna rzeketɛ hvɛ tɔ̀ nanù wɔ̀ hwa eka hwatò ema hwa gbeyà iŋgi nyayi ja hweyà.

Ròmànì 2:8

Hwahvɛhvɛ hwatò hwa hwèlì ikuka ndèŋgànɛ̀lɛ̀ hwa rza gbeyà hweyà hwe jɔ̀kɛ̀, wɔ hwa gbeyà ndi hweyà hwe wòhwe. Inì nyayi ja hwatò Lohwɛ̀ a ò hwa uŋmɛ̀lɛ̀ hwètàtò hwe eni ò lì hwa kɔ̀kìrzɛ̀.

2 Tɛ̀rzàlonìyà 2:12

È mbàko e o hwɛ ndi nanù ema, hwatò hwa arzɛ ema hwa rzi lòkɛ̀yi e jɔ̀kɛ̀, ndi hwa tɛ̀yirzɛ̀ o lì gbeyà hweyà hwe wòhwe, Lohwɛ̀ a o hwa kɔ̀kìrzɛ̀.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”

2 Pètrò 3:3

Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,