Yòwanìrzɛ̀ 21:18 - Mokpwe: Bakwery (New Testament)

¹⁸ “Nà ò òhweyà e jɔ̀kɛ̀ nanù ema e hvònda ema ò wa ò ma hwɛ erzɔmbɛ, ò ma yɔ̀kɔ lì àwòŋgìrzɛ̀nɛ̀ lì ɛ̀ndɛ tɔ̀ ima èki ema ò ma lìŋgàne lì ɛ̀ndɛ, ndi e hvònda uuna, ò enyòwa meyɔ me aŋgɔ̀ ò hvɛhvɛ mòtò a ò tìŋgɛ̀ e rzanja, a ò ɛ̀ndɛnɛ tɔ̀ ima èki ema ò wa ò rza lìŋgànɛ lì ɛ̀ndɛ.”

Yòwanìrzɛ̀ 21:18 ပူးပေါင်းရင်းမြစ်များ

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Yòwanìrzɛ̀ 13:36

Rzìmɔ̀nì Pètrò rzìi a ijòwa Yerzù nanù ema, “Ìi Rzàŋgò òne ò ɛ̀ndɛ e?” Yerzù rzìi a timbirzɛlɛlɛ nanù ema, “Èki ema na ɛ̀ndɛ, ò rza tànɛyi lì nò òŋgama naŋgɛ, ndi o ò nò òŋgama ò mburzà yà hvònda.”

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 21:19

(Yerzù à mà òhwa ndì nanù ò lì uŋmɛ̀lɛ̀ e nyayi ya kpelì ema Pètrò a ò ŋwɛ, ò lì uŋmɛ̀lɛ̀ èluhwe ya ama Lohwɛ̀). Yerzù rzìi a mò òhweyà nanù ema, “Ò nò nɔŋge.”

Hwègbèèlì 21:11

Nà òma à mà jèe lì jò uŋmànɛlɛ, a wòwa e ŋgòlì ya ama Pàwolò, rzi a e kakana màa na meende me eni, rzi a òhwa nanù ema, “Èlìŋgɛ̀ ya wòtani e òhwi nanù ema e mòhwɛnɛ wa ene ŋgòlì, a ò kakahwa na wònyà Yudà ò Jèrurzalɛ̀mù, rzi hwa mò akɛlɛlɛ hwaŋga hwatò ema hwa rza enje wònyà Yudà.”

2 Kɔ̀rintìyà 5:4

Nà oma i lìyana na ene nyàmà ya nyo anu rze ya mɔ̀nyɛ̀, ja arzàrzòhwɛ̀ èhwanja o jo lìtani. Rzeketɛ nanù ema ja arza lì arzòlòhwɛ̀ ene nyàmà ya nyo, ndi irzɔ ja arza e nyo hvènya ema e hwèlì o ŋmanyu ya lohwa. Àŋga nanù ene nyàmà nyo ema e ŋwa e kuwa rzi e timba e nyo ema e o hwɛ̀ɛ o lòŋgɛ.