Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yòwanìrzɛ̀ 21:15 - Mokpwe: Bakwery (New Testament)

15 È hvònda hwà mà kulɛ lì làa rzìi Yerzù a ijòwa Rzìmɔ̀nì Pètrò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni lì aka hwanù hwà-òkòwèlì hwa arzɛ e?” Rzìi à mò alàhwɛ̀ nanù ema, “Ɛ̀ɛ Rzàŋgò, ò wa ò hwi òma imba na ò lìŋgàni.” Yerzù rzìi a mò òhweyà nanù ema, “Aŋgòhweya iŋguma ja ami ja mɛ̀lɛ̀ŋgù.”

အခန်းကိုကြည့်ပါ။ ကော်ပီ




Yòwanìrzɛ̀ 21:15
49 ပူးပေါင်းရင်းမြစ်များ  

“Tɔ̀ ima mòtò ema a lìŋgàni e rzàŋgò tɔ̀ e nyàŋgò ya eni lì nò aka, a rza tànɛyi lì hwɛ e mòòkòwèlì wa ami. Tɔ̀ ima mòtò ema a lìŋgàni e ŋmanà ŋgɔ̀ndɔ̀ tɔ̀ e mberza ya eni lì nò aka, a rza uki hvɛ tɔ̀ lì hwɛ e mòòkòwèlì wà ami.


Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.


“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.


Nà òma Yerzù à mà kulɛ̀ lì òhwa nanù, Pètrò rzìi à mà alàhwɛ̀ nanù ema, “Tɔ̀ è hwɛ ndi ema hwanɛ̀yi hwa arzɛ hwa ò rzɔ̀rzì imba nà rza tànɛyi nà ò rzɔ̀rzɔ̀.”


Pètrò rzìi à alàhwɛ̀ nanù ema, “Tɔ̀ è hwɛ ndi nanù ema nà hwɛni lì ŋwa nà ò wà nà rza tanɛ lì ò rzɔ̀rzɔ̀.” Hwanɛ̀yi Hwà-òkòwèlì hwa arzɛ wɔ̀ hvɛ hwa mà òhwa ndi nanù mɛnɛ.


Pètrò rzìi à òhwa nanù ema, “Tɔ̀ è hwɛ ndi ema hwatò hwa arzɛ hwa hwaŋga lì ò lìya imba nà rza ò lìya.”


“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.


Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”


Àndèlè rzìi à jànà Rzimɔ̀nì ò mà Yerzù, Yerzù rzìi à ɔ̀ŋgɔ Rzìmɔ̀nì kòò à mò òhweyà nanù ema, “Lìinà lì aŋgɔ lì hwèlì ndi Rzimɔ̀nì è ŋmanà wà mùnyanà hwa ama Yòwanìrzɛ̀. Ndi ò nàŋgɛ ò hwɛ̀lɛ̀hwɛ̀ ndi Rzɛ̀hvàrzì.” (Lìni lìna lì hwèlì ndi nyayi hvɔ̀kɔ nà Pètrò ema jànda ì hwèlì ndì ema èwòmɛ̀ yà lìŋyàyi).


Pètrò rzìi à ijòwa nanù ema, “Ìi Rzàŋgò, mamɛ ndeŋgatɛ nà rza tànɛyi lì ò òŋgama naŋgɛ e? Imba nà emelì lì ò ŋwèeyà.”


èhwanja, Tatɛ̀ mɔ̀ ŋmìti à è lìŋgàni. À è lìŋgàni èhwanja è nò lìŋgàni, ndèŋgàna è lòkɛ̀ nanù ema nà uwɛ̀lɛ̀lɛ̀yi ndi nà mɔ̀.


Yerzù à mà hwa òhweyà nanù ema, “È je ònò e le.” Tɔ̀ Mòòkòwèlì wa eni mɔ̀kɔ a rzi keke tɔ̀ lì mò ijòwa nanù ema, “Njɛnɛ ò wa ò hwèlì e?” Èhwanja hwà mà hwiya nanù ema mɔ̀ à hwèlì ndi Rzàŋgò.


È Mòòkòwèlì ema Yerzù à mà lìŋgàne, rzìi a òhwà nanù ema, “È hwèlì ndi Rzàŋgò!” È hvònda Rzimɔ̀ni Pètrò à mà hweye nanù ema Rzàŋgò òŋgò, à mà wɔtɔ̀ mòŋgòmbè mò eni (Èhwanja à mà ulɛ màatù ma eni). Rzìi à hvanja, a unda ò tenì ya malìhwa.


Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.


È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.


Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.


È emeyà hwatò hwa arzɛ ema lìlòkɛ̀ la awu lì ɔtɔ̀wù, e rzi keka lì tɔ̀wɔ na wɔ̀ lì hvòmɛ̀nɛ̀ hweŋge hweyà hwe arzɛ ema hwa lutelì nanù ema hwa àŋgàmɛ̀nɛ̀ lì gbeyà na hweŋge ema hwa rza àŋgàmɛ̀nɛ̀ ò lì gbeyà.


Irzɔ ema jò imbami ò lìlòkɛ̀ inyɛ jò òŋgòwane e wɔ̀ ema hwa rza imbamɛ ò màlòkɛ̀ ma awu. I rza alìŋgìrzɛ irzɔ hwiti.


O èŋgànɛ̀lɛ̀ rzɔ, ono ŋmànyɔ̀ŋgɔ̀ wa aŋgɔ wa ama Krirztò ema mèèmà mo eni mo rza imbamɛ, ema Yerzù ama ŋwèeyà, o nyòla lì hwiye lì aŋgɔ lì ndɛ̀nɛ̀ mɔ̀ à hvàŋgahwè e?


Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.


O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.


Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.


O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.


Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.


Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.


È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.


O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.


Irzɔ jò uŋmɛ̀lɛ̀ hwatò è ndìŋgɛ, ehwànja Lohwɛ̀ à mà lòma lì jò uŋmɛ̀lɛ̀ è ndìŋgɛ yà eni.


Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.


Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ