Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.
O ma hwɛ hvɛ hwehvɛhvɛ hweyà hwe rzayi-rzayi ema Yerzù à mà gbeye. È ma òhwahwa tɛ ema hwene hweyà hwe arzɛ hwe tìlahwì yɔ̀kɔ na enɛyi, na ɔ̀ŋgɛ̀lɛ̀ nanù ema ò rza hwɛ ehvòlò ò e rze ya arzɛ ò lì uta ini kààti.
Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.
Hwenè hweyà hwe arzɛ hwe mà hwa gbèyɛ̀nɛ ndi nàa èmɛ̀nɛ̀nì o hwahvɛhvɛ hwatò. Hwenè hweyà hwe àrzɛ hwe tìlahwì ndi nàa mayowà mà ŋginyà o lì jò kòkòwɛ̀lɛ̀. Irzɔ i hwèlì ndi o hvonda ema lìrzukù la ene rze lì ma kombɛ̀nɛ̀ o lì jà.