Yòwanìrzɛ̀ 20:26 - Mokpwe: Bakwery (New Testament)

²⁶ Menya hwàmbi hvɛ me ma ùke, Hwà-òkòwèlì hwa ama Yerzù hwà mà arzàŋganɛ hvɛ ò tenì ya ndawò. Tɔ̀màrzì mɔ̀ hvɛ à mà hwɛ na wɔ̀. Liyòhva lì ma umbawa ndi Yerzù à mà hwa wurzeya rzìi a tɛ̀mɛ̀ ò ìtììtènì ja awu. Rzìi à hwa òhweyà nanù ema, “Ɛ̀yɔ̀lɛ̀ e hwɛ na inyɔ.”

Yòwanìrzɛ̀ 20:26 ပူးပေါင်းရင်းမြစ်များ

Matiyò 17:1

O mburzà yà mèènyà mòtòhwa Yerzù rzìi a wòwa Pètrò, Jèmìrzì, na Jèmìrzì ŋmanyàŋgò wa enì Yòwanìrzɛ̀ rzìi a hwa timba ò hvàko ema e kàrzamì ò ekì ema hwà mà hwɛ wɔ̀ mɛnɛ.

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Lukàrzɛ̀ 24:36

Nà òmà hwaŋga hwaahwàkɛ hwa mà hwɛ lì hwa òhweyà enè eyà, ò wòtɛmɛ̀tɛmɛ̀ Yerzù à mà hwa wurzeya, rzìi à hwa òhweyà nanù ema, “Ɛ̀yɔ̀lɛ̀ è hwɛ nà inyɔ!”

Lukàrzɛ̀ 9:28

O mburzà yà mèènyà wàmbì ema Yerzù a mà òhwe nanù à mà àgbana Pètrò, Yòwanìrzɛ̀, nà Jèmìrzì ò mòòlì, ò lì kanɛ̀.

Yòwanìrzɛ̀ 11:16

Tɔ̀marzì (ema à mà hwɛ̀lɛ̀hwɛ̀ hvɛ ema Mayirzɛ), rzìi a òhweyà wònyànyàŋgò hwa hwà-òkòwèlì nanù ema, “Inyɛ̀ irzɔ hvɛ jɛ̀ɛ̀ ɛ̀ndɛ aŋga na mɔ̀ àŋga nanù e hwèlì hvɛ tɛ ema kpelì irzɔ hvɛ i ŋwa na e Mòòkòlèlì.”

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Yòwanìrzɛ̀ 20:19

O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 21:1

O mburzà hwenè hweyà hwe arzɛ, Yerzù à mà wurzeya Hwà-òkòwèlì hwa eni hvɛ ò mòkòkò mò yulu ya Tibɛlìya. Nànù ndi e ma gbèyɛ̀nɛ,

Yòwanìrzɛ̀ 21:14

Ène ŋgèlì ndi e ma ùkirzɛ̀ ŋgèlì iyàwò ema Yerzù à mà wurzeya Hwà-òkòwèlì hwa eni ò mburza ya hwèhvùmùwèlì hwe eni.

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.