Yòwanìrzɛ̀ 20:25 - Mokpwe: Bakwery (New Testament)

²⁵ È hvònda à mà je hwanɛ̀yi Hwà-òkòwèlì hwa mò òhweyà nanù ema, “Irzɔ ima ɛnɛ Rzàŋgò Yerzù.” Tɔ̀màrzì rzìi a hwa òhweyà nanù ema, “Nàtɛ̀ɛ na ɛnɛ hwèŋge hwetɛndɛ hwe merziŋge ò màà mà eni, rzìi na ika hwèyɔ̀nɔ̀ hwe ami ò hweŋge hwetɛndɛ, rzìi na ika hvɛ màà mà ami ò tòŋgòŋgò ya luuŋga la eni, na rza lòkɛ̀.”

Yòwanìrzɛ̀ 20:25 ပူးပေါင်းရင်းမြစ်များ

Matiyò 27:42

“À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti. È hwèlì tɛ e jɔ̀kɛ̀ nanù ema mɔ̀ ndi à hwèlì e kiŋgɛ ya èkòmè ya Irzàyɛ̀lì, inyɛ a rzihwe rzɔ ò eŋge mbarza naŋgɛ. Aŋga ndi irzɔ i lòkɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Makòrzì 16:11

È hvònda ema hwà mà hwèya nanù ema Yerzù a hwèlì lòŋgɛ ndèŋgànɛ̀lɛ̀ hvɛ ema mɔ̀ Màlìyɛ̀ Màdalenà à mà mò ɛnɛ, wɔ̀ hwa rzi mò lòkɛ̀.

Makòrzì 16:13

Hwanù hwatò wɔ̀ hvɛ, hwà mà tìmba ò lì òhweyà hvɛ hwanɛ̀yi hwatò hwa arzɛ, ndi tɔ̀ wɔ̀ hvɛ hwa rzi hwa lòkɛ̀.

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Yòwanìrzɛ̀ 1:41

Eyà yà wòrzò Àndèlè à mà gbèye ema hwɛ ndi ò lì ɛ̀ndɛ lì arza ŋmanyàŋgò wà eni Rzimɔ̀nì. Nà òma à mà mò ɛnɛ rzìi à mò òhweyà nanù ema, “Ì mà ɛnɛ è Mɔ̀ ema à Ɔ̀kirzɛ̀hwɛ̀yi” (Èŋge ŋgàna è hwèlì ndi Krirztò).

Yòwanìrzɛ̀ 20:27

Rzìi à òhweyà Tɔ̀màrzì nanù ema, “Ika jɔ̀nɔ ja aŋgɔ ò hwene hwetɛndɛ anù. O ɔ̀ŋgɔ màà mà ami, rzìi wòwa màà mà aŋgɔ ò òkànèyà e tòŋgòŋgò ya lùuŋga la amì. O rzìi hwɛ òŋgò ema a rza lòkɛ̀yi, ò hwɛ ndi òŋgò ema a lòkɛ̀yi.”

Yòwanìrzɛ̀ 21:7

È Mòòkòwèlì ema Yerzù à mà lìŋgàne, rzìi a òhwà nanù ema, “È hwèlì ndi Rzàŋgò!” È hvònda Rzimɔ̀ni Pètrò à mà hweye nanù ema Rzàŋgò òŋgò, à mà wɔtɔ̀ mòŋgòmbè mò eni (Èhwanja à mà ulɛ màatù ma eni). Rzìi à hvanja, a unda ò tenì ya malìhwa.

Yòwanìrzɛ̀ 6:30

Hwa mà alàhwɛ̀ Yerzù nanù ema, “Ima eyà ya mànyakà ema ò gbeyà i ɛnɛ rzi i ò lòkɛ̀ e? Mamɛ ò tànɛyi lì gbeyà ò tɛ̀ɛ̀tɛ̀ɛ e?

Hibrù 3:12

È wòwè hvonda ìi wònyanyàŋgò hwa ami hwa Krirztò ema tɔ̀ mɔ̀kɔ wà anyu à rza ohva ŋmèma mò wòhwe ema mò rza lòkɛ̀, aŋga nanù è rza hwɛmɛ Lohwɛ̀ ema à hwèlì lòŋgɛ.

Hibrù 3:18

Hwa njɛ̀nɛ ema Lohwɛ̀ à mà ààtɛ̀ nanù ema hwa rza ò kpèeyà ò èki yà eni yà lì arziyolɛ ema à mà hwa kàkɛ̀nɛ̀ e? Rzeke è wɔ̀ ema hwa rzi mò hweyànɛ̀ e?