Yòwanìrzɛ̀ 20:22 - Mokpwe: Bakwery (New Testament)

²² Rzìi à hwa uŋgɛlɛ muulu, a hwa òhweyà nanù ema, “È wòwe Èlìŋgɛ̀ yà Wòtani.

Yòwanìrzɛ̀ 20:22 ပူးပေါင်းရင်းမြစ်များ

Yòwanìrzɛ̀ 14:16

Nà òhweyà Tatɛ̀, ndèŋgànɛ̀lɛ̀ mɔ̀ à e ò ŋgbà ò hvɛhvɛ Moòŋgòwànèlì ema a ò hwɛ na inyɔ ihvònda ja arzɛ.

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 20:23

Tɔ̀ ima mòtò ema e làkìrzɛ̀yi wòhwe wò eni, wò làkìrzɛ̀hwɛ̀, e rza hwa làkìrzɛ̀ tɛ, hwa rza làkìrzɛ̀hwɛ̀.”

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 10:47

“Hwanu hwatò hwà mà luwa Èlìŋgɛ̀ yà Wòtani nyayi hvɔ̀kɔ na òma irzɔ hvɛ i ma e luwe. O hwèlì rzɔ tɔ̀ mòtò tɔ̀ mɔ̀kɔ ema a tànɛyi lì hwa tɛmirzɛ nanù ema hwa rzi lùhwìrzɛ̀hwɛ̀ na malìhwa e?”

Hwègbèèlì 19:2

Rzìi à hwa ijòwa nanù ema, “È ma luwa Èlìŋgɛ̀ yà Wòtani e hvònda ema e ma lòkɛ̀ e?” Hwà mà mò alàhwɛ̀ nanù ema, “Jàyɛ̀, irzɔ i rzi hweyi a hweyà hvɛ tɔ̀ nanù ema ò hwèlì eyà ema e hwɛ̀lɛ̀hwɛ̀ nanù ema Èlìŋgɛ̀ yà Wòtani.”

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 4:8

Pètrò rzɔ, ema ama ònda na Èlìŋgɛ̀ yà Wòtani à mà hwa alàhwɛ̀ nanù ema, “Hwàkànèlì na hwàmbaki hwa arzu hwa e mbòwa,

Hwègbèèlì 8:15

È hvònda ema wɔ̀ hwà mà uke aŋga, hwà mà kanɛ̀lɛ̀lɛ̀ hwàlòkèlì hwa hvènya nanù ema hwa luwe Èlìŋgɛ̀ yà Wòtani.

Gàletìyà 3:2

Nà lìŋgàna lì è ijòwa eyà yɔ̀kɔ. È hvonda ema inyɔ è mà lùwe Èlìŋgɛ̀ yà Wòtani èhwanja è mà ika imbenda jà wònyà Yudà ɔ̀ndeŋgàtɛ̀ è mà è lùwa e? Ŋga, èhwanja ema mà lòkɛ̀ Ŋmɛ̀ndì mò Gbamù ema è mà hweye e?