Yòwanìrzɛ̀ 20:21 - Mokpwe: Bakwery (New Testament)

²¹ Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 20:21 ပူးပေါင်းရင်းမြစ်များ

Matiyò 10:16

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Lukàrzɛ̀ 24:36

Nà òmà hwaŋga hwaahwàkɛ hwa mà hwɛ lì hwa òhweyà enè eyà, ò wòtɛmɛ̀tɛmɛ̀ Yerzù à mà hwa wurzeya, rzìi à hwa òhweyà nanù ema, “Ɛ̀yɔ̀lɛ̀ è hwɛ nà inyɔ!”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Yòwanìrzɛ̀ 20:19

O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”

Yòwanìrzɛ̀ 20:22

Rzìi à hwa uŋgɛlɛ muulu, a hwa òhweyà nanù ema, “È wòwe Èlìŋgɛ̀ yà Wòtani.

Yòwanìrzɛ̀ 20:26

Menya hwàmbi hvɛ me ma ùke, Hwà-òkòwèlì hwa ama Yerzù hwà mà arzàŋganɛ hvɛ ò tenì ya ndawò. Tɔ̀màrzì mɔ̀ hvɛ à mà hwɛ na wɔ̀. Liyòhva lì ma umbawa ndi Yerzù à mà hwa wurzeya rzìi a tɛ̀mɛ̀ ò ìtììtènì ja awu. Rzìi à hwa òhweyà nanù ema, “Ɛ̀yɔ̀lɛ̀ e hwɛ na inyɔ.”

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Hwègbèèlì 1:2

natɛ̀ɛ na e hvònda ema Lohwɛ̀ a mà mò gbeeyà ò lì ɛndɛ ò ŋmanyu yà lohwà. Ndèŋgàna a e ɛndɛ ò ŋmanyu yà lohwà, a mà gbeyàna e ŋginyà ya èlìŋgɛ̀ yà wòtani, ò lì òhweyà hwatò ema à mà hvɔ̀rzè nàa i àpɔ̀rzìtòlò ja eni hweyà ema hwà mà aŋgàmɛ̀nɛ̀yi lì gbeyà.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

3 Yòwanìrzɛ̀ 1:14

Nà àhvìtɛ̀ ò lì è ɛnɛ ŋmanà mbɔ̀ aŋga nanù jò ò à ɛ̀nɛ̀nɛ̀ worzo nà worzo rzi ì kòowà.