Yòwanìrzɛ̀ 20:19 - Mokpwe: Bakwery (New Testament)

¹⁹ O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”

Yòwanìrzɛ̀ 20:19 ပူးပေါင်းရင်းမြစ်များ

Matiyò 10:13

È hwèlì tɛ ema, hwa e kàrzɛ tɛ, inyɛ ììkɔ̀mi ja anyu ja ɛ̀yɔ̀lɛ̀ ya ama Lohwɛ̀ e hwɛ na wɔ̀. Hwa rza e kàrzɛ hvɛ tɛ, inyɛ iikɔ̀mi ja anyu i e tìmbeyà.

Matiyò 18:20

O èŋgànɛ̀lɛ̀ rzɔ, tɔ̀ ima èki ema hwatò hwahwàkɛ tɔ̀ hwàyàwò hwa arzàŋgànɛ̀yi ò lìna la ami, imba hvɛ na hwèlì ò ìtììtènì ja awu.”

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 20:26

Menya hwàmbi hvɛ me ma ùke, Hwà-òkòwèlì hwa ama Yerzù hwà mà arzàŋganɛ hvɛ ò tenì ya ndawò. Tɔ̀màrzì mɔ̀ hvɛ à mà hwɛ na wɔ̀. Liyòhva lì ma umbawa ndi Yerzù à mà hwa wurzeya rzìi a tɛ̀mɛ̀ ò ìtììtènì ja awu. Rzìi à hwa òhweyà nanù ema, “Ɛ̀yɔ̀lɛ̀ e hwɛ na inyɔ.”

Yòwanìrzɛ̀ 21:1

O mburzà hwenè hweyà hwe arzɛ, Yerzù à mà wurzeya Hwà-òkòwèlì hwa eni hvɛ ò mòkòkò mò yulu ya Tibɛlìya. Nànù ndi e ma gbèyɛ̀nɛ,

Yòwanìrzɛ̀ 21:14

Ène ŋgèlì ndi e ma ùkirzɛ̀ ŋgèlì iyàwò ema Yerzù à mà wurzeya Hwà-òkòwèlì hwa eni ò mburza ya hwèhvùmùwèlì hwe eni.

Yòwanìrzɛ̀ 7:13

Ndi tɔ̀ mɔ̀kɔ wa awu a rzi tànɛyi lì òhwa tɔ̀ eyà lì mò hvòmɛ̀nɛ̀, èhwanja hwà mà òka lìkànèyà la wònyà Yudà wɔ̀ŋgɔ̀.

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

Ròmànì 15:33

Inyɛ̀ Lòohwà la arzu la ɛ̀yɔ̀lɛ̀ lì hwɛ na inyɔ hwa arzɛ. Inyɛ̀ wò lìya nanù.

1 Kɔ̀rintìyà 15:5

Nànù hvɛ ema à mà wurzeya Pètrò, na lìnɛyi Lìyomɛ̀ la eni la Hwà-òkòwèlì na hwahwàkɛ.

Ɛ̀hvìrzìyà 2:14

Krirztò mɔ̀ ŋmìti mɛnɛ, mɔ̀ ndi à hwèlì e mɔ̀ ema a jo janelì ɛ̀yɔ̀lɛ̀. A ma gbeyà hwatò hwa wònyà Yudà na hwaŋga hwatò ema hwa rza enje wònyà Yudà o lì hwɛ mòtò mɔ̀kɔ. È kpelì ya eni e ma ulɛ ɛ̀kɔ̀wù o ìtììtènì ja anyu. Èŋge ɛ̀kɔ̀wù e ma hwɛ ndi nàa erzù ema e ma jo kahwa.

Ɛ̀hvìrzìyà 6:23

Inyɛ̀ ɛ̀yɔ̀lɛ̀ yà ama Lohwɛ̀ è Tatɛ̀ yà arzu nà Rzàŋgo wà arzu Yerzù Krirztò è hwɛ nà inyɔ hwàlòkèlì. Wɔ̀ hwa ò è gbèeyà ò lì lìŋgana mɔ̀kɔ nà ɔ̀nɛyi nanù mɛnɛ nà ò lì lòkɛ̀ hvɛ Krirztò nanù mɛnɛ.

Hvìlipìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ wà arzu, nà Yerzù Krirztò è Rzàŋgo yà arzu è hwɛ nà inyɔ.

2 Tɛ̀rzàlonìyà 3:16

Inyɛ̀ Rzàŋgo Yerzù mɔ̀ ŋmìti ema a jo ŋgbàà ɛ̀yɔ̀lɛ̀, a e ŋgbe ɛ̀yɔ̀lɛ̀ o ihvonda ja arzɛ na o injiya ja arzɛ. Ndèŋgànɛlɛ irzɔ i kànɛ nanù ema inyɛ mɔ̀ à hwɛ na inyɔ hwa arzɛ.

Hibrù 7:2

Abràhamù à mà mo ŋgbà lòŋgo lɔ̀kɔ la lìyomɛ la mamɛ ya arzɛ ema à mà uhwane o njùma. Jànda ja worzò ja lìna la Mɛlkirzɛdɛki o mbɔrzi ya Hibrù lì hwèlì ndi nanù ema, “È kiŋgɛ̀ ema e ma tɛ̀mɛ̀ ehve-ehve.” Jànda ema jo ùkirzɛ̀ ihwàkɛ i hwèlì ndi nanù ema, “È kiŋgɛ̀ ya Rzàlɛ̀mu.” Èma e hwèlì ndi, “È kiŋgɛ̀ ya ɛ̀yɔ̀lɛ̀.”

3 Yòwanìrzɛ̀ 1:14

Nà àhvìtɛ̀ ò lì è ɛnɛ ŋmanà mbɔ̀ aŋga nanù jò ò à ɛ̀nɛ̀nɛ̀ worzo nà worzo rzi ì kòowà.

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.