Yòwanìrzɛ̀ 19:35 - Mokpwe: Bakwery (New Testament)

³⁵ È mòtò ema à mà ɛnɛ hwene hweyà na òma hwe ma gbèyɛ̀nɛ à mà tɛ̀mɛ̀ mbòŋgi, ndèŋgàna e mbòŋgi ya eni e hwèlì ndi e jɔ̀kɛ̀. A hwi nanù ema a òhwa ndi e jɔ̀kɛ̀, ndèŋgàna a òhwa ndi hwene hweyà nanù ema inyɔ hvɛ e lòkɛ̀.

Yòwanìrzɛ̀ 19:35 ပူးပေါင်းရင်းမြစ်များ

Yòwanìrzɛ̀ 11:15

O nyòla inyɔ imba na òki mɔ̀nyɛ̀ŋgì nanù ema na rzi hwɛ aŋga, aŋga nanù e lòkɛ̀. Inyɛ̀ i ɛ̀ndɛ aŋga nàŋgɛ i mò ɔ̀ŋgɔ.”

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 14:29

Nà e òhwèlì naŋgɛ ndèŋgàna ye e gbèyɛ̀nɛ, aŋga nanù e gbèyɛ̀nɛ tɛ, ye ò lòkɛ̀yì na lì òhva lì lòkɛ̀ na imba.

Yòwanìrzɛ̀ 15:27

Rzìi inyɔ hvɛ e ò òhwa hweyà lì nò hvòmɛ̀nɛ̀, èhwanja e ma hwɛ na imba natɛ̀ɛ na ò hwewòtelì.

Yòwanìrzɛ̀ 19:26

Nà òma Yerzù à mà ɛnɛ nyàŋgò yà eni nà è mòòkòwèlì ema à mà lìŋgàne hwa tɛ̀mì aŋga rzìi à òhweyà nyàŋgɛ nanù ema, “Iyàkà è ŋmanà wà aŋgɔ̀ òŋgò.”

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 21:24

È mòòkòwèlì ò nò ema a tɛ̀mɛ̀ mbòŋgi ya hwene hweyà ndèŋgàna mɔ̀ ndì a hwe tilì. Ndèŋgana i hwi nanù ema tɔ̀ mamɛ a òhwi e hwèlì ndi e jɔ̀kɛ̀.

Hwègbèèlì 10:39

Irzɔ hwa arzɛ i hwèlì ndi mbòŋgi ò hweyà hwe arzɛ ema mɔ̀ à mà gbeye ò èkòmè ya hwatò hwa Yudà na ò e mbòwa ya Jèrurzalɛ̀mù. Nà òma hwà mà mò wòmeyà ò mbarza à mà ŋwa.

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Yòwanìrzɛ̀ 5:13

Nà e tìleya ndi inyɔ ema e lòkɛ̀ lìinà la ama è Ŋmanà wà ama Lohwɛ̀ hwene hweyà, aŋga nanù oma e ma hwiya ema e ohvi lòŋgɛ la gbìndèyà.

3 Yòwanìrzɛ̀ 1:12

Tɔ̀ ima mòtò a ohwa nanù ema Dɛ̀mɛ̀trìyùrzì a hwèlì ndi mòtò wa gbamù. Lòŋgɛ la jɔ̀kɛ̀ ema mɔ̀ à lìya lì uŋmɛ̀lɛ̀ nanù ema a hwèlì ndi mòtò wa jɔ̀kɛ̀. Nà e ohweyà hvɛ nanù ema, mɔ̀ à hwèlì ndi mòtò wa gbamù, ndèŋgànɛlɛ e hwi nanù ema tɔ̀ mamɛ ema no òhwa e hwèlì ndi e jɔ̀kɛ̀.