Yòwanìrzɛ̀ 19:30 - Mokpwe: Bakwery (New Testament)

³⁰ Nà òma Yerzù à mà nyɔ hweŋge hwèkàkò hwe mimba, rzi a òhwa nanù ema, “O ku.” Rzìi à ujɛ mòòhvò rzìi a undɛnɛ.

Yòwanìrzɛ̀ 19:30 ပူးပေါင်းရင်းမြစ်များ

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Matiyò 27:50

Yerzù rzìi a tɛ̀ɛ̀ hvɛ na lìlò lì karzami rzìi a rziyòwa mùùlù mò eni mò lìrzùkù.

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Makòrzì 15:37

Yerzù à mà tɛ̀ɛ nà lìlò lì ndɛnɛ, rzìi a rzìyòwa mùùlù mò eni mò lìrzùkù.

Lukàrzɛ̀ 22:37

Nà è òhweyà nanù ema, è kaàtì yà Lohwà è òhwa nanù ema, ‘À mà wòwahwa ndi nàa ŋmìhwɛ̀.’ Nànù ndi e hwɛnì lì nò gbèyɛnɛ. Ndèŋgàna e hwɛnì lì òndìrzɛ̀hwɛ̀.”

Lukàrzɛ̀ 23:46

O lìnì lìrzàkò ndi Yerzù a mà tɛ mòrzeya nanù ema, “Ìi Tatà nà hwàkɛ èlìŋgɛ̀ ya amì ò màà mà aŋgɔ̀!” Ène mbɔrzi ndi à mà òhwe rzìi a rzìyòwa mùùlù mò eni mò lìrzùkù.

Yòwanìrzɛ̀ 10:11

“Imba ndi nà hwèlì e mɔ̀ɔŋgèlì wà gbamù wà mɛ̀lɛ̀ŋgù. È mɔ̀ɔ̀ŋgèlì wà gbamù wà mɛ̀lɛ̀ŋgù à wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù ma eni.

Yòwanìrzɛ̀ 10:18

Tɔ̀ mòtò a rza tànɛyi lì nò wòwàna lòŋgɛ la ami. Imba na lì wɔ̀lɛ̀nɛ̀ ndi ò hwèlìŋgànèlì hwe ami. Nà òhvi hvɛ lìkànèyà ò lì ŋgbà lòŋgɛ la ami ndèŋgàna ò lì li wòwa hvɛ. Èya ene ema Tatɛ̀ a nò òhwèlì ema na gbeeye.”

Yòwanìrzɛ̀ 17:4

Nà ma uŋmɛ̀lɛ̀ èluhwe e aŋgɔ anù rze na òma nà mà kulɛ èwòlò ema ò wa ò nò ŋgbelì ò ma na gbeye.

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Ròmànì 10:4

Krirztò mɔ̀ à mà gbeyà èwòlò ema e mbenda e ma àŋgàmɛ̀nɛ̀ lì gbeyà, ò èŋgànɛ̀lɛ̀ rzɔ, tɔ̀ njɛnɛ ema a mò lòkɛ̀, a hwɛ ehve-ehve ò wòrzò wò ama Lohwɛ̀.

Ròmànì 3:25

Lohwɛ̀ à mà ŋgbà Yerzù nàa jàhwèyà ò lì e ŋwèeyà. Ndèŋgana hwatò hwa ò làkìrzɛ̀hwɛ̀ èhwanja hwa mò lòkɛ̀yì. Lohwɛ̀ à mà gbeyà ndi nanù ò lì uŋmɛ̀lɛ̀ hwatò hwa arzɛ kɔ̀yi-kɔ̀yi nanù ema, a gbeyà hweyà ŋgàna ema e hvòmɛ̀nɛ̀. O e hvònda kòhwa Lohwɛ̀ à mà àjùlɛ̀ na hwatò, a rzi kɔ̀kìrzɛ̀ hwatò ema hwa gbeyà wòhwe.

1 Kɔ̀rintìyà 5:7

È ulɛ èŋge ehwindi ya elùnì aŋga nanù e hwɛ ndi nàa, lìwu la mbarzi hvènya ema e rza hwɛnɛ tɔ̀ ehwindi, nanù ndi inyɔ e hwèlì na e jɔ̀kɛ̀. È hwèlì ndi nanù èhwanja Krirztò ama ŋwèeyà ndi o wòhwe wo anyu. Mɔ̀ à mà hwɛ ndi nàa mɔlɛ̀ŋgu mo jàhwèyà mo è Ndèma yà lì Akà Ɔ̀nɛ̀yi o nyòla wòhwe wo hwatò.

Hvìlipìyà 2:8

È hvonda ema à mà hwɛ nàa e mòtò wa hwènàmà, à mà arzihwirzɛ mɔ̀ ŋmìti, ndèŋgànɛ̀lɛ̀ à mà emeyà o lì ŋwa. A ma emeyà o lì ŋwèeyà o mbàrza,

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 9:22

Ò jɔ̀kɛ̀, o lì hvomɛ̀nɛ̀ e mbenda ya ama Morzè, tɔ̀ ima yòma ema e ma hvahvahwa màyija yɔ ndi hwatò hwà mà wowe nanù ema e hwèlì wòtani. Ène ŋgàna e hwèlì ndi nanù ema wòhwe wo rza ohvi tɔ̀ lì làkìrzɛ̀ natɛ̀ɛ màyija ma komahwa o rze.