Yòwanìrzɛ̀ 19:28 - Mokpwe: Bakwery (New Testament)

²⁸ O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Yòwanìrzɛ̀ 19:28 ပူးပေါင်းရင်းမြစ်များ

Lukàrzɛ̀ 12:50

Nà hwɛnì lì lùwa lì lùhwìrzɛ̀ la mòrziyò. Nà ma lì lùwa tɛ, òma nà mà lùwa lì wɔ̀wìrzɛ̀ la nyò.

Lukàrzɛ̀ 18:31

Yerzù rzìi a wòwa lìyòmɛ̀ la eni la hwà-òkòwèlì nà hwàhwàkɛ̀ ò tòŋgòŋgò yà èni, rzìi a hwa òhweyà nanù ema, “È òkànèyà, ì hwɛnì lì àgba ò Jèrurzalɛ̀mù, hweyà hwe àrzɛ ema hwà-òhwèlì hwa hwèlìŋgɛ̀ hwà mà tìle lì hvòmɛ̀nɛ̀ è Ŋmanà wà è Mòtò wà Hwènàmà, hwe òndìrzɛ̀hwɛ̀.

Lukàrzɛ̀ 22:37

Nà è òhweyà nanù ema, è kaàtì yà Lohwà è òhwa nanù ema, ‘À mà wòwahwa ndi nàa ŋmìhwɛ̀.’ Nànù ndi e hwɛnì lì nò gbèyɛnɛ. Ndèŋgàna e hwɛnì lì òndìrzɛ̀hwɛ̀.”

Lukàrzɛ̀ 9:31

Hwa mà ɛ̀neya wòtani wò ŋgɛ̀ŋgɛlɛ nà òmà hwa mà òhwìrzɛ̀nɛ̀ Yerzù. Hwa mà hwɛ lì òhwà nɛ Yerzù a òndìrzɛ ŋmanò mò ama Lohwɛ̀ lì hvòmɛ̀nɛ̀ è kpelì yà èni ò Jèrurzalɛ̀mù.

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 17:4

Nà ma uŋmɛ̀lɛ̀ èluhwe e aŋgɔ anù rze na òma nà mà kulɛ èwòlò ema ò wa ò nò ŋgbelì ò ma na gbeye.

Yòwanìrzɛ̀ 18:4

Yerzù à mà hwɛ à mà hwiya mamɛ yà arzɛ è mà hwɛnɛ lì mò gbèyɛ̀nɛ, ama wurza rzìi à hwa ijòwa nanù ema, “Njɛnɛ à hwèlì è mòtò è arza e?”

Yòwanìrzɛ̀ 19:24

Àŋga ndi hwa òhwalɛnɛ nanù ema, “I rza lì ŋyàawà. Ja aŋgbe ndi lìnjaŋgà jò ɔ̀ŋgɔ njɛnɛ a lì kùwàna.” Ène ema gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Wɔ̀ hwiti hwà mà a kahwɛnɛ̀ màatù ma ami. Rzi hwa aŋgbaanɛ hvɛ lìnjaŋgà ò lì kawa mòŋgòmbè mò ami.” O èŋgànɛ̀lɛ̀ nanù ndi hwaŋga hwàanà njuma hwà mà gbèye.

Yòwanìrzɛ̀ 19:30

Nà òma Yerzù à mà nyɔ hweŋge hwèkàkò hwe mimba, rzi a òhwa nanù ema, “O ku.” Rzìi à ujɛ mòòhvò rzìi a undɛnɛ.

Yòwanìrzɛ̀ 19:36

Hwenè hwèya hwà mà gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Tɔ̀ èerze ya eni yɔ̀kɔ e rza hwɛndɛhwɛ.”

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Hwègbèèlì 13:29

È hvònda ema hwa mà kùlɛ̀ lì òndìrzɛ̀ mamɛ ema è mà tìlahwa ò è kààtì yà Lohwà lì hvomɛ̀nɛ̀ Yerzù, hwa mà mò rzìhwìrzɛ ò mbàrza, rzìi hwa mò ika ò rzɔ̀ŋgɔ̀ ema è mà hvòkòwahwa ò tenì yà màŋyàyi.