Yòwanìrzɛ̀ 19:17 - Mokpwe: Bakwery (New Testament)

¹⁷ Yerzù ŋmitɛ-ŋmitɛ à mà hwanɛ̀ e mbarza rzìi a e ɛ̀ndɛnɛ èki ema e hwɛ̀lɛ̀hwɛ̀, nanù ema, “Èki ya ekeke ya mèyòhvò” eŋge èki e hwɛ̀lɛ̀hwɛ̀ ndi Gòlgotà ò mbɔrzi ya Hibrù.

Yòwanìrzɛ̀ 19:17 ပူးပေါင်းရင်းမြစ်များ

Matiyò 10:38

Tɔ̀ njɛnɛ hvɛ ema a rza wòwɛ e mbarzà ya eni ò lì nò nɔ̀ŋgɔ, à rza uki ò lì hwɛ è mòòkòwèlì wa ami.

Matiyò 16:24

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Matiyò 27:37

Hwa mà tìla jànda jà è kpelì yà eni ò tahvelì nanù ema, “Yerzù ònò, è Kiŋgɛ yà wònyà Yudà.” Rzìi hwa wòwa eŋge tahvelì hwa è wòmeyà ò ŋmanyu tènyi lì aka mòòhvò mò eni.

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Makòrzì 15:26

Eyà hwa mà tìlè ò mbarza ò ŋmanyu tènyi lì aka mòhvò mò eni lì uŋmɛ̀lɛ̀ mamɛ ndèŋgàtɛ̀ à mà wòmàwɛ̀lɛ̀hwɛ̀ ò mbarza è mà hwɛ ndi nanù ema, “È kìŋgɛ yà Yudà.”

Makòrzì 15:32

È Mɔ̀ ema à òhwi nanù ema à Ɔ̀kirzɛ̀hwɛ̀yi, ema à hwèlì ndi è kiŋgɛ̀ ya wònyà Irzàyɛ̀lì à rzìhwe ò mbarza naŋgɛ aŋga nanù je ɛnɛ rzìi ì mò lòkɛ̀.” Hwàŋga hwàyihwɛ̀ ema hwa mà wòmàwɛlɛ̀hwɛ ò itòŋgòŋgò ja ama Yerzù wɔ̀ hvɛ hwa mà hwɛ̀ lì mò hwɛnyɛ.

Makòrzì 8:34

Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.

Lukàrzɛ̀ 14:27

Tɔ̀ njɛnɛ hvɛ ema a rza hwanɛ̀yi è mbarzà yà èni, ò lì nò oŋgàmà, à rza tanɛ̀, lì hwɛ è mòòkòwèlì wà amì.

Lukàrzɛ̀ 23:26

Hwaànèlì hwa njùma hwa mà tìmba Yerzù, ò èki ema hwa hvànɛ hwatò. Hwa mà taneya Rzìmɔ̀nì, mùnyanà wà è mbòwà yà Rzelìni. Hwa mà mò hvɔɔtɔ̀, rzìi hwa mò hwànirzɛ è mbarza yà ama Yerzù. À mà hwànɛ è mbarza, rzìi a òŋgama Yerzù ò mburzà.

Lukàrzɛ̀ 23:33

È hvònda ema hwa mà uke, ò èki ema è hwɛ̀lɛ̀hwɛ̀ Èkeke yà Mèyòhvò, rzìi hwa wòmeyà Yerzù ò mbarzà nà hwaŋga hwatò hwa wòhwe hwahwàkɛ. Mɔ̀kɔ ò lìya là eni là mòmɛ, ɔ̀nɛ̀yi hvɛ ò lìya là ŋmàlì.

Lukàrzɛ̀ 23:38

Ò ŋmanyu tènyi lì aka mòòhvò mò eni, ò mà tìlahwà nanù ema, “È kìŋgɛ yà wònyà Yudà ène.”

Lukàrzɛ̀ 9:23

Yerzù rzìi à hwa òhweyà wɔ̀ hwa arzɛ nanù ema, “Tɔ̀ ima mòtò ema a àrza lì nò nɔ̀ŋgɔ à hwɛnì lì awɛmɛ̀ mɔ̀ ŋmìti ema à rza enje tɔ̀ mòtò. Òŋgò mòtò à hwɛnì hvɛ lì hwànɛ è mbarza yà èni wùnyà tɛ ò lì nò òŋgama.

Yòwanìrzɛ̀ 19:13

Nà òma Pìlatò à mà hweye nanù rzìi a wurzana Yerzù ò ewòka rzìi Pìlatò a lìya ò kònda ya lìkànèyà. Èki ema à mà lìya e hwɛ̀lɛ̀hwɛ̀ ndi Maanda ema mà òŋgahwi na Màŋyàyi. O mbɔrzi ya wònyà Hibrù e hwɛ̀lɛ̀hwɛ̀ ndi Gabata.

Yòwanìrzɛ̀ 5:2

Àŋga Jèrurzalɛ̀mù ò tòŋgòŋgò ya hwèkpèèlì hwe kɔtɔ̀ ya mɛ̀lɛ̀ŋgù, ò hwèlì yulu ema e tòŋgahwi na marzɛrzɛ mata ema hwà mà hwɛ lì hwɛlɛ ò mbɔrzi ya Hibrù, Bɛ̀trzàyìdà.

Hwègbèèlì 7:58

Rzìi hwa mò kòòhwa ò lì mò anjiyana ò tènì yà mbòwa rzìi hwa wòteyà ò lì mò aŋgba màŋyàyi. Hwàtò ema hwa mà tɛ̀mɛ̀ imbòŋgi ò è kɔ̀kìrzɛ̀ yà ama Rzìtehvànɛ, hwa mà rzòlòwà ikòti jà awu rzìi hwa ɛndɛ hwa jì aŋgbeyà mberza hvɔ̀kɔ ema è mà hwɛ̀lɛ̀hwɛ̀ Rzàwòlò ò wòrzò wò eni ò lì hwa ɔ̀ŋgeyà è jɔ̀.