Yòwanìrzɛ̀ 18:35 - Mokpwe: Bakwery (New Testament)

³⁵ Pìlatò rzi à timbirzɛlɛlɛ nanù ema, “Imba nà hwèlì ndi mòtò wà Yudà e? Hwatò hwa aŋgɔ̀, nà Ipìlìrzì ndɛnɛ jà aŋgɔ̀, wɔ̀ ndi hwa ò akɛlɛ ò màa mà ami. Mamɛ ò wà ò gbèyi e?”

Yòwanìrzɛ̀ 18:35 ပူးပေါင်းရင်းမြစ်များ

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:34

Yerzù rzìi à mò alàhwɛ̀ nanù ema, “Ò wà ndi òhwa nanù, ŋga hwahvɛhvɛ hwatò ndi hwa ò òhwèlì lì nò hvòmɛ̀nɛ̀ e?”

Yòwanìrzɛ̀ 18:36

Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Yòwanìrzɛ̀ 19:6

Nà òma Ipìlìrzì ndɛnɛ nà hwàgbèèlì hwa Ndawò yà Lohwà hwa mà mò ɛnɛ rzìi hwa wòteyà lì tɛɛ nanù ema, “È mò wòmeyà ò mburza! È mò wòmeyà ò mbarza!” Pìlatò rzi à hwa alàhwɛ̀ nanù ema, “Inyɔ hwiti è mò wòwe è ɛ̀ndɛ, è mò wòmeyà ò mbarza, èhwanja nà rza mò lùwànì tɔ̀ njɔ̀mì.”

Hwègbèèlì 21:38

Èŋge ŋgànà e hwèlì ndi nanù ema rzeketɛ ò wa ndi ò hwèlì òŋgò mòtò wa Ìjiptò ema à mà jà anu ò hvònda hvɔ̀kɔ rzìi a jànà lùwànje. Mɔ̀ à mà rzàŋga hwekòlì hweni hwe hwàanà njuma, hwà-òŋwelì hwa hwatò rzìi a hwa ɛ̀ndɛ̀nɛ̀ ò mòrzànjɛ.”

Hwègbèèlì 23:29

Nà ma arzìirzɛ̀ ndi na rza luwa tɔ̀ eyà ema e òhwa nanù ema mɔ̀ à aŋgàmɛ̀nɛ̀yi lì ŋwa tɔ̀ lì aŋgɛhwɛ ò hwèwòwà. Hweya hwe arzɛ ema hwa òhwa nanù ema mɔ̀ à gbèyi, hwe hwèlì ndi hweyà ema hwe ɔŋgeya e mbenda ya awu.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.