Yòwanìrzɛ̀ 18:32 - Mokpwe: Bakwery (New Testament)

³² Ène eyà e ma gbèyɛ̀nɛ ndi nanù, ò lì òndìrzɛ̀ eyà e ma Yerzù à mà lòme lì òhwa, lì hvòmɛ̀nɛ̀ e tumba kpelì ema mɔ̀ à ò ŋwɛ.

Yòwanìrzɛ̀ 18:32 ပူးပေါင်းရင်းမြစ်များ

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Makòrzì 10:33

À mà hwa òhweyà nanù ema, “È hwiye nanù ema ja agba ndi ò Jèrurzalɛ̀mù, aŋga ndì è Ŋmanà wà è Mòtò wà Hwènàmà a hwɛnì lì ŋgbààhwà ò màà mà è Ipìlìrzì ndɛnɛ nà hwà-òkòlèlì hwa mbenda. Wɔ̀ hwa mò akɛlɛlɛ è mbàkò ya kpelì, rzìi hwa mò akɛlɛ ò màà mà hwatò ema hwa rza enje hwatò hwa Irzàyɛ̀lì.

Yòwanìrzɛ̀ 10:31

O ene hvònda hwatò hwa wònyà Yudà hwà mà kòma màŋyàyi ò lì uŋma Yerzù hvɛ.

Yòwanìrzɛ̀ 10:33

Rzìi à hwa alàhwɛ̀ nanù ema, “I rza arza lì uŋma màŋyàyi ò nyòla hwèwòlò hwe gbamù ema ò ma gbeyɛ. Ndi i uŋma ndì èhwanja ò hwɛnyi Lohwɛ̀.”

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 18:31

Pìlatò rzi a òhwa nanù ema, “È mò wòwe inyɔ hwiti e gbeyàne imbenda ja anyu ò lì mò kàyìrzɛ̀.” Hwatò hwa Yudà rzìi hwa mò alàhwɛ̀ nanù ema, “Ndi irzɔ i rza hwɛnì tɔ̀ wònjà tɔ̀ hvɔ̀kɔ ò lì òŋwa tɔ̀ mòtò tɔ̀ mɔ̀kɔ.”

Yòwanìrzɛ̀ 21:19

(Yerzù à mà òhwa ndì nanù ò lì uŋmɛ̀lɛ̀ e nyayi ya kpelì ema Pètrò a ò ŋwɛ, ò lì uŋmɛ̀lɛ̀ èluhwe ya ama Lohwɛ̀). Yerzù rzìi a mò òhweyà nanù ema, “Ò nò nɔŋge.”

Yòwanìrzɛ̀ 3:14

Nà òma Mòrzè à mà wòmeyà gbàahwà ò lìwòndì rzìi a lì tɛ̀mìrzɛ̀ ò mòrzanjɛ̀, nanù mɛnɛ hvɛ ndi è Ŋmanà wà è Mòtò wà Hwènàmà a ò tɛ̀mìrzɛ̀hwɛ̀.

Yòwanìrzɛ̀ 8:28

O èŋgànɛ̀lɛ̀ Yerzù rzìi a hwa òhwàna nanù ema, “È hvònda ema e ò kàrzɛ è Ŋmanà wà è Mòtò wà Hwènàmà ò ŋmanyu, lìŋgi lìrzakò òma e ma hwiya ema imba na hwèlì ndi e mɔ̀ ema na òhwa e ma na hwèlì. Ndèŋgànɛ̀lɛ̀ hvɛ ema, ò imba mbiti na rza gbeyà tɔ̀ eyà, ndi na òma Tatɛ̀ à mà nò òkòlɛ̀ na òhwa hwene hweyà.

Hwègbèèlì 7:59

Nà òma hwà mà hwɛ lì aŋgba Rzìtehvànɛ màŋyàyi mɔ̀ à mà hwɛ lì kanɛ̀ nanù ema, “Ìi Rzàŋgò Yerzù, wòwa èlìŋgɛ̀ ya ami.”

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.