Yòwanìrzɛ̀ 18:28 - Mokpwe: Bakwery (New Testament)

²⁸ Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:28 ပူးပေါင်းရင်းမြစ်များ

Matiyò 27:27

Hwaànelì hwa njùma hwà mà Pìlatò rzìi hwa wòwa Yerzù hwa mò ɛ̀ndɛnɛ ò ewòka ya e mòkànèlì. Rzìi e ŋgindi ya arzɛ ya hwaànèlì hwa njùma e tòŋga Yerzù.

Makòrzì 15:16

Hwaànelì hwa njùma rzìi hwa tìmba Yerzù lì mò ɛ̀ndɛnɛ ò èwòka yà ama è mòkanelì rzìi hwa rzaŋga hwahvɛhvɛ hwaànèlì hwa njùma aŋga.

Lukàrzɛ̀ 22:66

Nà òmà wùùnya wò mà yahwe, hwàmbaki hwa hwatò hwa Irzàyɛ̀lì, Ipìlìrzì ndɛnɛ̀, nà hwà-òkòlèlì wa mbenda hwa mà hwɛnɛ hwèlìyelì, rzìi hwa jànà Yerzù ò hwèkàyìrzèlì hwe ndɛnɛ̀.

Yòwanìrzɛ̀ 11:55

È hvònda ya è Ndèma yà lì Akà Ɔ̀nɛ̀yi è mà kòmbɛnɛ. O èŋgànɛ̀lɛ̀ rzayi-rzayi ja hwatò hwà mà uwɛ̀lɛ̀lɛ̀yi ò màmbowà mà arzɛ hwà mà ja ò Jèrurzalɛ̀mù lì a tatòwɛ na òma e mbenda ya ama Mòrzè e ma arze, ò lì wòŋgirzɛnɛ è Ndèma yà lì Akà Ɔ̀nɛ̀yi.

Yòwanìrzɛ̀ 18:13

Hwa mà lòma ndi lì mò ɛ̀ndɛnɛ òma Anàrzì, Anàrzì à mà hwɛ ndi è rzàŋgò yà lìhwa yà ama Kàyìhvàrzì, è Pìlìrzì ema è mà kàrzamà yà mòŋgò ŋma.

Yòwanìrzɛ̀ 18:15

Rzìmɔ̀nì Pètrò nà òhvɛhvɛ mòòkòwèlì hwa mà hwɛ lì òŋgama Yerzù. È Pìlìrzì ema è kàrzamì è mà hwiya òŋgò mòòkòwèlì, ò èŋgànɛ̀lɛ̀ òŋgò mòòkòwèlì à mà kpèeyà ò tenì yà maŋga mààndà mà ama è Pìlìrzì è kàrzamì ema hwa mà kpeyaneya Yerzù.

Yòwanìrzɛ̀ 18:33

Pìlatò rzìi à kpèeyà ò ndawò yà eni à hwɛlɛ Yerzù, rzìi à mò ijòwa nanù ema, “Ò wà ndi ò hwèlì è Kiŋgɛ yà wònyà Yudà e?”

Yòwanìrzɛ̀ 18:39

È hwèlì ndi ɛ̀ɛ̀mɛ̀ yà anyu ema nà hwɛnì lì è rzòlòhweya mòtò wa hwèwòwà mɔ̀kɔ ò è hvònda yà è ndèma yà lì aka ɔ̀nɛyi. È arza ema nà è rzòlòhweyà è Kìŋgɛ yà wònyà Yudà e?

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Yòwanìrzɛ̀ 19:14

Ène hvònda e ma hwɛ ndi e yaa kɔrzi ya ŋmerze wùùnya ema hwà mà wòŋgìrzɛ̀nɛ̀ è Ndèma yà lì Akà Ɔ̀nɛ̀yi. Pìlatò rzìi a òhweyà hwaŋga hwatò nanù ema, “È Kiŋgɛ ya anyu ene!”

Yòwanìrzɛ̀ 19:9

Pìlatò ama timba hvɛ ò mààndà mà eni, rzìi à ijòwa Yerzù nanù ema, “One ò uwɛ̀lɛ̀lɛ̀yi e?” Yerzù à mà kina e ya eni.

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Hwègbèèlì 10:32

Oma mòtò mɔ̀kɔ ò mbòwà ya Jopà, ò ma mòtò mɔ̀kɔ ema lìinà la eni lì hwèlì ndi Rzìmɔ̀nì Pètrò. A hwèlì ndi ŋmɛ̀nì ò ndawò ya ama Rzìmɔ̀nì ema èwòlò ya eni e hwèlì ndi ò lì rzèeyà mèyòwò me nyàmà. A lìya ndi ò rzààwà ya ŋmanjà.’

Hwègbèèlì 11:3

“Mamɛ ndeŋgatɛ ò ma ɛndɛ ò mandawò ma hwatò ema hwa rza enje wònyà Yudà ema hwa rza endàhwɛ̀ e? Nàtɛ̀ɛ ò wa na wɔ̀ e ma laalɛnɛ ò ekì yɔ̀kɔ.”

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.